2025 jyldyń shilde aiynyń basyndaǵy jaǵdai boiynsha, Qazaqstanda 8,8 mln bas iri-qara bar, bul kórsetkish ótken jylmen salystyrǵanda 8,3 -ǵa kóp. Onyń ishinde siyr sany 16,3%-ǵa ósip, 4,5 mln basqa jetti. Elimizdiń sharýashylyqtarynda tiridei ótken iri-qara etiniń salmaǵy 352,5 myń tonnany (bir jyl burynǵydan 1,4% az), al soiylǵannan keiin 182,3 myń tonnany (bir jyl burynǵydan 1,1% kem) qurady, dep habarlaidy Dalanews.kz Energyprom-ǵa silteme jasap.
Tiridei salmaqta eń joǵary kórsetkishter myna óńirlerdiń sharýashylyqtarynda tirkeldi:
- Túrkistan (48,2 myń tonna),
- Almaty (36,9 myń tonna),
- Aqtóbe (33,9 myń tonna) oblystary.
Soiý jáne soiylǵannan keiin ótkizý kezindegi eń joǵary kórsetkishter boiynsha myna óńirler alda:
- Túrkistan oblysy — 25,3 myń tonna,
- Almaty — 18,6 myń tonna,
- Aqtóbe-17,3 myń tonna.
Siyr etiniń baǵasy qansha?
2025 jyldyń shilde aiynyń qorytyndysy boiynsha, bir aida súiekti et quny 1,8% jáne jyldyq dinamikada 19%-ǵa ósti.
Óńirlerge bólip qarastyrsaq, bir aida qymbatshylyq myna óńirlerde tirkeldi:
- Shymkentte (9,6%-ǵa),
- sondai-aq Jetisýda (5,8%-ǵa),
- Túrkistan (4,5%-ǵa),
- Soltústik Qazaqstan oblysy (4,3%-ǵa),
- Mańǵystaý oblysy (2,9%-ǵa).
Azdap qymbattaý Aqtóbe jáne Qostanai oblystarynda (ár aimaqta 0,1%) tirkeldi. Sonymen qatar súiekteri bar siyr etiniń baǵasy tek Abai oblysy men Almatyda aldyńǵy aidaǵydai ózgerissiz qaldy. Jyldyq dinamikada baǵanyń eń joǵary ósimi Shymkentte baiqaldy: 34,3%. Odan keiin Ulytaý (27,6% - ǵa) jáne Aqmola (26,5% - ǵa) oblystary tur. Jyldyq ósim boiynsha onsha qatty qymbatshylyqqa Atyraý oblysy (10,2% - ǵa), Almaty (12,4% - ǵa) jáne Astana (12,5% - ǵa) kóp urynbaǵan.
Shilde aiynda súiekti siyr etiniń elimizdegi ortasha quny 3,2 myń teńgeni qurady.
- Iri qalalardyń ishinde eń joǵary baǵalar Óskemende, Aqtaýda jáne Shymkentte tirkeldi: 1 kelisi 3,5 myń teńgeden.
- Eń tómen baǵalar Oral men Aqtóbede (1 kelisi 2,8 myń teńgeden), sondai-aq Atyraýda (1 kelisi 2,9 myń teńge) baiqaldy. Osy jaǵynan alǵanda, elimiz boiynsha ortasha ailyq jalaqyny eskere otyryp eseptesek, qazaqstandyqtar aiyna orta eseppen 127,2 keli siyr etin satyp ala alady eken.
Bul kórsetkish boiynsha óńirlik bóliniste Atyraý (217,4 kg), Jezqazǵan (165,8 kg) jáne Aqtaý (163,9 kg) turǵyndary kósh bastaidy. Bir nominaldy jalaqyǵa siyr etiniń eń az mólsheri Shymkent (90,5 kg), Petropavl (92,2 kg) jáne Qonaev (94,6 kg) turǵyndaryna tiesili.
Astanada bul kórsetkish 158,8 kelini, Almatyda 162,3 kelini quraidy. Bul arada eldiń iri qalalaryndaǵy ortasha ailyq jalaqy kórsetkishteri paidalanyldy (2024) jáne sol qalalardaǵy siyr etiniń baǵasy esepke alyndy (2025 jylǵy, shilde).
Qazaqstandyqtar et jeýden álemde neshinshi orynda tur?
"Qazaqstan men basqa elderdegi siyr etiniń qoljetimdiligin salystyryp kórelik. Ol úshin biz Numbeo servisiniń derekterin, atap aitqanda ortasha taza (salyqtar ustalǵannan keiingi) jalaqy men siyr etiniń baǵasyn (jambas bóligi) qoldandyq. Nátijesinde, aǵymdaǵy jyldyń 13 tamyzyndaǵy jaǵdai boiynsha Qazaqstanda bir jalaqyǵa 78 keli siyr etin satyp alýǵa bolady eken", - deidi sarapshylar.
Osyndai kórestkishpen Qazaqstan álemdegi 127 eldiń ishinde 63-shi orynda tur. TMD elderiniń arasynda Qazaqstanǵa qaraǵanda bul rettegi jaǵdai áldeqaida jaqsyraǵy: Belarýsta - 93,8 keli siyr eti, sondai-aq Reseide - 79,3 kg.
Qazaqstannan tómende Moldova (77,4 kg), Ýkraina (66,5 kg), Qyrǵyzstan (54 kg), Ózbekstan (53,4 kg), Armeniia (48,9 kg), Ázerbaijan (46,1 kg) jáne Tájikstan (25,5 kg) tur.
Álemdik reitingte Qatar (348,2 kg) men Kýveit (312,6 kg) jáne Men araly (302,1 kg) kósh bastaidy. Eń tómengi kórsetkishter Kýbada (3,4 kg), Siriiada (4,3 kg) jáne Efiopiiada (16 kg) tirkelgen.
Buǵan deiin Aqtóbede bazarda paida bolǵan aqbóken eti ajiotaj týǵyzǵanyn jazǵanbyz. Maral eti búginderi elimizdiń tórt óńirinde bazarǵa shyǵarylǵan. 1 kelisiniń quny 1300-1800 teńge aralyǵyn qamtidy.
