2025 جىلدىڭ شٸلدە ايىنىڭ باسىنداعى جاعداي بويىنشا, قازاقستاندا 8,8 ملن باس ٸرٸ-قارا بار, بۇل كٶرسەتكٸش ٶتكەن جىلمەن سالىستىرعاندا 8,3 -عا كٶپ. ونىڭ ٸشٸندە سيىر سانى 16,3%-عا ٶسٸپ, 4,5 ملن باسقا جەتتٸ. ەلٸمٸزدٸڭ شارۋاشىلىقتارىندا تٸرٸدەي ٶتكەن ٸرٸ-قارا ەتٸنٸڭ سالماعى 352,5 مىڭ توننانى (بٸر جىل بۇرىنعىدان 1,4% از), ال سويىلعاننان كەيٸن 182,3 مىڭ توننانى (بٸر جىل بۇرىنعىدان 1,1% كەم) قۇرادى, دەپ حابارلايدى Dalanews.kz Energyprom-عا سٸلتەمە جاساپ.
تٸرٸدەي سالماقتا ەڭ جوعارى كٶرسەتكٸشتەر مىنا ٶڭٸرلەردٸڭ شارۋاشىلىقتارىندا تٸركەلدٸ:
- تٷركٸستان (48,2 مىڭ توننا),
- الماتى (36,9 مىڭ توننا),
- اقتٶبە (33,9 مىڭ توننا) وبلىستارى.
سويۋ جەنە سويىلعاننان كەيٸن ٶتكٸزۋ كەزٸندەگٸ ەڭ جوعارى كٶرسەتكٸشتەر بويىنشا مىنا ٶڭٸرلەر الدا:
- تٷركٸستان وبلىسى — 25,3 مىڭ توننا,
- الماتى — 18,6 مىڭ توننا,
- اقتٶبە-17,3 مىڭ توننا.
سيىر ەتٸنٸڭ باعاسى قانشا?
2025 جىلدىڭ شٸلدە ايىنىڭ قورىتىندىسى بويىنشا, بٸر ايدا سٷيەكتٸ ەت قۇنى 1,8% جەنە جىلدىق ديناميكادا 19%-عا ٶستٸ.
ٶڭٸرلەرگە بٶلٸپ قاراستىرساق, بٸر ايدا قىمباتشىلىق مىنا ٶڭٸرلەردە تٸركەلدٸ:
- شىمكەنتتە (9,6%-عا),
- سونداي-اق جەتٸسۋدا (5,8%-عا),
- تٷركٸستان (4,5%-عا),
- سولتٷستٸك قازاقستان وبلىسى (4,3%-عا),
- ماڭعىستاۋ وبلىسى (2,9%-عا).
ازداپ قىمباتتاۋ اقتٶبە جەنە قوستاناي وبلىستارىندا (ەر ايماقتا 0,1%) تٸركەلدٸ. سونىمەن قاتار سٷيەكتەرٸ بار سيىر ەتٸنٸڭ باعاسى تەك اباي وبلىسى مەن الماتىدا الدىڭعى ايداعىداي ٶزگەرٸسسٸز قالدى. جىلدىق ديناميكادا باعانىڭ ەڭ جوعارى ٶسٸمٸ شىمكەنتتە بايقالدى: 34,3%. ودان كەيٸن ۇلىتاۋ (27,6% - عا) جەنە اقمولا (26,5% - عا) وبلىستارى تۇر. جىلدىق ٶسٸم بويىنشا ونشا قاتتى قىمباتشىلىققا اتىراۋ وبلىسى (10,2% - عا), الماتى (12,4% - عا) جەنە استانا (12,5% - عا) كٶپ ۇرىنباعان.
شٸلدە ايىندا سٷيەكتٸ سيىر ەتٸنٸڭ ەلٸمٸزدەگٸ ورتاشا قۇنى 3,2 مىڭ تەڭگەنٸ قۇرادى.
- ٸرٸ قالالاردىڭ ٸشٸندە ەڭ جوعارى باعالار ٶسكەمەندە, اقتاۋدا جەنە شىمكەنتتە تٸركەلدٸ: 1 كەلٸسٸ 3,5 مىڭ تەڭگەدەن.
- ەڭ تٶمەن باعالار ورال مەن اقتٶبەدە (1 كەلٸسٸ 2,8 مىڭ تەڭگەدەن), سونداي-اق اتىراۋدا (1 كەلٸسٸ 2,9 مىڭ تەڭگە) بايقالدى. وسى جاعىنان العاندا, ەلٸمٸز بويىنشا ورتاشا ايلىق جالاقىنى ەسكەرە وتىرىپ ەسەپتەسەك, قازاقستاندىقتار ايىنا ورتا ەسەپپەن 127,2 كەلٸ سيىر ەتٸن ساتىپ الا الادى ەكەن.
بۇل كٶرسەتكٸش بويىنشا ٶڭٸرلٸك بٶلٸنٸستە اتىراۋ (217,4 كگ), جەزقازعان (165,8 كگ) جەنە اقتاۋ (163,9 كگ) تۇرعىندارى كٶش باستايدى. بٸر نومينالدى جالاقىعا سيىر ەتٸنٸڭ ەڭ از مٶلشەرٸ شىمكەنت (90,5 كگ), پەتروپاۆل (92,2 كگ) جەنە قوناەۆ (94,6 كگ) تۇرعىندارىنا تيەسٸلٸ.
استانادا بۇل كٶرسەتكٸش 158,8 كەلٸنٸ, الماتىدا 162,3 كەلٸنٸ قۇرايدى. بۇل ارادا ەلدٸڭ ٸرٸ قالالارىنداعى ورتاشا ايلىق جالاقى كٶرسەتكٸشتەرٸ پايدالانىلدى (2024) جەنە سول قالالارداعى سيىر ەتٸنٸڭ باعاسى ەسەپكە الىندى (2025 جىلعى, شٸلدە).
قازاقستاندىقتار ەت جەۋدەن ەلەمدە نەشٸنشٸ ورىندا تۇر?
"قازاقستان مەن باسقا ەلدەردەگٸ سيىر ەتٸنٸڭ قولجەتٸمدٸلٸگٸن سالىستىرىپ كٶرەلٸك. ول ٷشٸن بٸز Numbeo سەرۆيسٸنٸڭ دەرەكتەرٸن, اتاپ ايتقاندا ورتاشا تازا (سالىقتار ۇستالعاننان كەيٸنگٸ) جالاقى مەن سيىر ەتٸنٸڭ باعاسىن (جامباس بٶلٸگٸ) قولداندىق. نەتيجەسٸندە, اعىمداعى جىلدىڭ 13 تامىزىنداعى جاعداي بويىنشا قازاقستاندا بٸر جالاقىعا 78 كەلٸ سيىر ەتٸن ساتىپ الۋعا بولادى ەكەن", - دەيدٸ ساراپشىلار.
وسىنداي كٶرەستكٸشپەن قازاقستان ەلەمدەگٸ 127 ەلدٸڭ ٸشٸندە 63-شٸ ورىندا تۇر. تمد ەلدەرٸنٸڭ اراسىندا قازاقستانعا قاراعاندا بۇل رەتتەگٸ جاعداي ەلدەقايدا جاقسىراعى: بەلارۋستا - 93,8 كەلٸ سيىر ەتٸ, سونداي-اق رەسەيدە - 79,3 كگ.
قازاقستاننان تٶمەندە مولدوۆا (77,4 كگ), ۋكراينا (66,5 كگ), قىرعىزستان (54 كگ), ٶزبەكستان (53,4 كگ), ارمەنييا (48,9 كگ), ەزەربايجان (46,1 كگ) جەنە تەجٸكستان (25,5 كگ) تۇر.
ەلەمدٸك رەيتينگتە قاتار (348,2 كگ) مەن كۋۆەيت (312,6 كگ) جەنە مەن ارالى (302,1 كگ) كٶش باستايدى. ەڭ تٶمەنگٸ كٶرسەتكٸشتەر كۋبادا (3,4 كگ), سيرييادا (4,3 كگ) جەنە ەفيوپييادا (16 كگ) تٸركەلگەن.
بۇعان دەيٸن اقتٶبەدە بازاردا پايدا بولعان اقبٶكەن ەتٸ اجيوتاج تۋعىزعانىن جازعانبىز. مارال ەتٸ بٷگٸندەرٸ ەلٸمٸزدٸڭ تٶرت ٶڭٸرٸندە بازارعا شىعارىلعان. 1 كەلٸسٸنٸڭ قۇنى 1300-1800 تەڭگە ارالىعىن قامتيدى.
