قازاقستاندىق وقۋشىلار حالىقارالىق وليمپيادالار مەن عىلىمي جارىستاردا جوعارى نەتيجە كٶرسەتكەنٸ ٷشٸن قوماقتى اقشالاي سىياقى الادى, دەپ حابارلايدى dalanews.kz.
بيىلعى وقۋ جىلىندا ەل وقۋشىلارى حالىقارالىق وليمپيادالار مەن كونكۋرستاردا 1026 مەدال جەڭٸپ الدى.
مەملەكەتتٸك سىياقى كٶلەمٸ مەدال تٷرٸنە قاراي بەلگٸلەنگەن:
- التىن مەدال ٷشٸن – 6,4 ملن تەڭگە (1500 اەك);
- كٷمٸس مەدال ٷشٸن – 4,3 ملن تەڭگە (1000 اەك);
- قولا مەدال ٷشٸن – 2,1 ملن تەڭگە (500 اەك).
بيىل قازاقستاندىق جاس ماتەماتيكتەر ەرەكشە كٶزگە تٷستٸ. ەل قۇراماسى ۆيلنيۋستە ٶتكەن European Mathematical Olympiad جارىسىندا ٷزدٸك نەتيجە كٶرسەتسە, Balkan Mathematical Olympiad بايقاۋىندا ٶڭٸردەگٸ مىقتى قۇرامالاردىڭ قاتارىنا ەندٸ.
سونىمەن قاتار وقۋشىلار اقش-تا ٶتكەن Regeneron ISEF حالىقارالىق عىلىمي جوبالار كٶرمەسٸندە ٶز جۇمىستارىن تانىستىرىپ, ارنايى ماراپاتتار مەن شەتەلدٸك ۋنيۆەرسيتەت گرانتتارىن يەلەندٸ.
ايتا كەتەيٸك, اقشالاي ماراپاتتار تەك وقۋشىلارعا عانا ەمەس, جەڭٸمپازداردى دايىنداعان پەداگوگتەرگە دە قاراستىرىلعان. التىن مەدال يەگەرٸن دايىنداعان ۇستازدارعا قوسىمشا تٶلەم بەرٸلەدٸ.
