Qazaqstandyq oqýshylar halyqaralyq olimpiadalar men ǵylymi jarystarda joǵary nátije kórsetkeni úshin qomaqty aqshalai syiaqy alady, dep habarlaidy dalanews.kz.
Biylǵy oqý jylynda el oqýshylary halyqaralyq olimpiadalar men konkýrstarda 1026 medal jeńip aldy.
Memlekettik syiaqy kólemi medal túrine qarai belgilengen:
- altyn medal úshin – 6,4 mln teńge (1500 AEK);
- kúmis medal úshin – 4,3 mln teńge (1000 AEK);
- qola medal úshin – 2,1 mln teńge (500 AEK).
Biyl qazaqstandyq jas matematikter erekshe kózge tústi. El quramasy Vilniýste ótken European Mathematical Olympiad jarysynda úzdik nátije kórsetse, Balkan Mathematical Olympiad baiqaýynda óńirdegi myqty quramalardyń qataryna endi.
Sonymen qatar oqýshylar AQSh-ta ótken Regeneron ISEF halyqaralyq ǵylymi jobalar kórmesinde óz jumystaryn tanystyryp, arnaiy marapattar men sheteldik ýniversitet granttaryn ielendi.
Aita keteiik, aqshalai marapattar tek oqýshylarǵa ǵana emes, jeńimpazdardy daiyndaǵan pedagogterge de qarastyrylǵan. Altyn medal iegerin daiyndaǵan ustazdarǵa qosymsha tólem beriledi.
