بٷگٸن قىزىلوردا وبلىسىنىڭ ەكٸمٸ مۇرات ەرگەشباەۆتىڭ قاتىسۋىمەن «مارال نۇر» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ جولاۋشى ۆاگوندارىن جٶندەۋ جەنە تەحنيكالىق قىزمەت كٶرسەتۋگە ارنالعان جاڭا ٶندٸرٸستٸك كەشەنٸ ٸسكە قوسىلدى, دەپ حابارلايدى dalanews.kz.
سالتاناتتى شارادا ايماق باسشىسى ەلٸمٸزدە ماشينا جاساۋ سالاسىن دامىتۋعا ەرەكشە كٶڭٸل بٶلٸنٸپ وتىرعانىن اتاپ ٶتتٸ. مەملەكەت باسشىسىنىڭ جولداۋىندا ايتىلعان مٸندەتتەرگە سەيكەس, تۇراقتى ەرٸ بولجامدى ينۆەستيتسييالىق ورتا قالىپتاستىرۋ باعىتىندا جٷيەلٸ جۇمىس جٷرگٸزٸلٸپ جاتىر.
كەيٸنگٸ جىلدارى ٶڭٸردە ماشينا جاساۋ سالاسى قارقىندى دامىپ كەلەدٸ. جىل باسىنان بەرٸ 7,9 ملرد تەڭگەنٸڭ ٶنٸمٸ ٶندٸرٸلٸپ, ٶسٸم 4,7 پايىز بولعان.
ٶڭٸردٸڭ گەوگرافييالىق جاعىنان تيٸمدٸ ورنالاسۋى دا كٶلٸك-لوگيستيكالىق ەلەۋەتتٸ ارتتىرۋعا مٷمكٸندٸك بەرٸپ وتىر. اتاپ ايتقاندا, قىزىلوردا وبلىسى حالىقارالىق ماڭىزى بار «باتىس ەۋروپا – باتىس قىتاي» كٶلٸك دەلٸزٸنٸڭ بويىندا ورنالاسقان. وبلىس اۋماعىنان 1 مىڭ شاقىرىمنان اساتىن ماگيسترالدىق تەمٸرجول جەلٸسٸ ٶتەدٸ. جىل باسىنان بەرٸ 400 مىڭنان استام جولاۋشى جەنە 6 ملن توننادان استام جٷك تاسىمالدانعان.
جاڭا كەشەن جىلىنا 600-دەن استام ۆاگونعا تەحنيكالىق قىزمەت كٶرسەتەدٸ, 100 جاڭا جۇمىس ورنى اشىلادى.
وبلىس ەكٸمٸ شەتەلدٸك سەرٸكتەستەرگە, سونىڭ ٸشٸندە قىتاي حالىق رەسپۋبليكاسىنان كەلگەن ينۆەستورلارعا كٶرسەتٸلگەن سەنٸم مەن ىنتىماقتاستىق ٷشٸن العىس بٸلدٸردٸ. وتاندىق جەنە شەتەلدٸك ينۆەستورلارمەن اشىق ەرٸ تيٸمدٸ ەرٸپتەستٸكتٸ ودان ەرٸ دامىتۋعا دايىن ەكەنٸن اتاپ ٶتتٸ.
جيىندا جوبانى جٷزەگە اسىرۋعا ٷلەس قوسقان ازاماتتار وبلىس ەكٸمٸنٸڭ العىس حاتىمەن ماراپاتتالدى. وبلىس پروكۋرورى ريزابەك وجاروۆ, «مارال نۇر» جشس قۇرىلتايشىسى مۇرات نۇرسايىتوۆ سٶز سٶيلەپ, ەل اعاسى ايتباي كٶشەرباەۆ اق باتاسىن بەردٸ.
ايتا كەتەيٸك, ٶڭٸر ەكونوميكاسىن ەرتاراپتاندىرۋ جەنە جاڭا ٶندٸرٸس ورىندارىن اشۋ ماقساتىندا الداعى ٷش جىلعا 1,9 ترلن تەڭگەنٸڭ 48 ينۆەستيتسييالىق جوباسى جوسپارلانىپ وتىر. بۇل جوبالار اياسىندا 10 مىڭنان استام جاڭا جۇمىس ورنى اشىلادى. بيىل 100 ملرد تەڭگەگە 21 ينۆەستيتسييالىق جوبانى ٸسكە قوسۋ كٶزدەلسە, الداعى ۋاقىتتا قۇنى 1 ترلن تەڭگەدەن اساتىن 14 ٸرٸ جوبانىڭ قۇرىلىسى قولعا الىنادى.
جاقىن كٷندەرٸ يسپاندىق «Roca Group» كومپانيياسىنىڭ سانيتارلىق-تەحنيكالىق بۇيىمدار زاۋىتى مەن «Seven Rivers» كومپانيياسىنىڭ نەمٸس تەحنولوگيياسى نەگٸزٸندە شىنى ىدىستار شىعاراتىن زاۋىتىنىڭ قۇرىلىسى باستالادى.
