قازاقستاننىڭ تۇڭعىش پرەزيدەنتٸ نۇرسۇلتان نازارباەۆ "حابار" ارناسىنداعى "شتريحي ك پورترەتۋ" دەرەكتٸ فيلمٸندە جيەن نەمەرەسٸ ايسۇلتان نازارباەۆتىڭ ٶلٸمٸ تۋرالى پٸكٸر بٸلدٸرگەن, دەپ حابارلايدى dalanews.kz.
دەرەكتٸ فيلمدە نازارباەۆ ٷش قىزىنان تاراعان نەمەرەلەرٸ بار ەكەنٸن ايتىپ, 2020 جىلى بٸر نەمەرەسٸنەن ايىرىلعانىن ەسكە الادى. ول ايسۇلتاننىڭ ٶزٸنە قاتتى ۇقسايتىنىن ايتىپ, ونىڭ ٶمٸردەن ەرتە كەتكەنٸنە ٶكٸنەتٸنٸن جەتكٸزگەن.
"ٶكٸنٸشكە قاراي, بيىل بٸر نەمەرەمدٸ جوعالتىپ الدىق. ول ماعان ٶتە ۇقسايتىن ەدٸ. ٶز ۋاقىتىنان ەرتە ٶمٸردەن ٶتتٸ", – دەگەن نازارباەۆ فيلمدە.
سونداي-اق ول ايسۇلتاننىڭ دەنساۋلىعى مەن ٶمٸر سالتىنا قاتىستى قيىندىقتار بولعانىن ايتىپ, وتباسى ونى ەمدەتۋگە تىرىسقانىن جەتكٸزگەن. نازارباەۆتىڭ سٶزٸنشە, ونى مەسكەۋدە دە, لوندوندا دا ەمدەتكەن, الايدا جاعدايدى تولىق باقىلاۋدا ۇستاۋ مٷمكٸن بولماعان.
"ونى ەشقايدا جٸبەرمەسە دە بولار ەدٸ. بٸراق ونى ۇستاپ وتىرۋ مٷمكٸن بولمادى. ول بۇل ٸستٸڭ قۇلى بولعان, توقتاي المادى. بٸز ونى مەسكەۋدە ەمدەدٸك, لوندوندا دا ەمدەدٸك. قايتا شىعىپ, قايتا ورالاتىن", – دەدٸ نۇرسۇلتان نازارباەۆ.
ايسۇلتان نازارباەۆ 2020 جىلى ٶمٸردەن ٶتتٸ. ونىڭ قازاسى سول كەزدە قوعامدا ٷلكەن تالقىلاۋ تۋعىزعان ەدٸ. ول داريعا نازارباەۆا مەن راحات ەليەۆتٸڭ ۇلى بولاتىن.
"شتريحي ك پورترەتۋ" دەرەكتٸ فيلمٸ نۇرسۇلتان نازارباەۆتىڭ ٶمٸرٸ مەن قىزمەتٸنە ارنالعان كٶپسەرييالى جوبا رەتٸندە ۇسىنىلعان. فيلمدە ونىڭ جەكە ٶمٸرٸ, وتباسى, ساياسي جولى جەنە بۇرىن كٶپ ايتىلا بەرمەگەن ەستەلٸكتەرٸ قامتىلعان.
