Májilis otyrysynda depýtattar Qazaqstan men halyqaralyq qarjy institýttary arasyndaǵy eki qaryz kelisimin ratifikatsiialaý týraly zań jobalaryn maquldap, qujattardy Senat qaraýyna jiberdi, dep habarlaidy dalanews.kz.
Qarjy jáne biýdjet komitetiniń qorytyndysyna sáikes, alǵashqy qaryz Halyqaralyq qaita qurý jáne damý bankinen tartylady. Qaryz kólemi – 92,3 mlrd ien. Qarajat Qazaqstanǵa bes jyldyq jeńildik kezeńin qosa alǵanda, 11 jyl merzimge beriledi.
Ekinshi kelisim Aziia infraqurylymdyq investitsiialar bankimen jasalǵan. Bul qaryzdyń kólemi 62,3 mlrd iendi quraidy. Onyń da óteý merzimi – 11 jyl, jeńildik kezeńi – bes jyl.
Depýtat Únzila Sádibekovanyń aitýynsha, tartylatyn qarajat respýblikalyq biýdjet tapshylyǵyn qarjylandyrýǵa jáne áleýmettik-ekonomikalyq turaqtylyqty qoldaýǵa baǵyttalǵan sharalardy iske asyrý úshin paidalanylmaq.
Májiliste zań jobalaryn talqylaý barysynda Úkimet ókilderi qujattardy qabyldaý teris áleýmettik-ekonomikalyq nemese quqyqtyq saldarǵa ákelmeitinin málimdedi. Zań jobalary boiynsha jumys toptary men komitetterdiń keńeitilgen otyrystary ótkizilip, Parlament Májilisiniń barlyq turaqty komitetteri oń qorytyndy bergen.
Nátijesinde depýtattar eki kelisimdi de qoldap, olardy odan ári qaraý úshin Senatqa joldaý týraly sheshim qabyldady.
