2025 jylǵy 12–14 tamyz kúnderi Oral qalasynda Qazaqstan Respýblikasy «Sport kúni» merekesine arnalǵan birqatar aýqymdy is-sharalar ótti. Mereke aiasynda sport salasynyń mamandaryna qurmet kórsetilip, ashyq qalalyq spartakiada uiymdastyryldy,- dep habarlaidy Dalanews.kz
12 tamyz kúni «Sport kúnine» orai aýdandyq jáne qalalyq sport bólimderi men sport klýbtary qyzmetkerleri arasynda II ashyq qalalyq spartakiadanyń ashylýy ótti.
Spartakiadanyń ashylý rásiminde Oral qalasy dene shynyqtyrý jáne sport bóliminiń basshysy Ashat Isanov quttyqtaý sóz sóilep, qatysýshy komandalarǵa sáttilik tiledi.
Jarysqa qatysqan komandalar:
🔹 Aqjaiyq aýdany
🔹 Báiterek aýdany
🔹 Bórli aýdany
🔹 Jańaqala aýdany
🔹 Qaratóbe aýdany
🔹 Terekti aýdany
🔹 Shyńǵyrlaý aýdany
🔹 “Oral” sport klýby
Jalpykomandalyq esep qorytyndysy boiynsha:
🥇 I oryn – Bórli aýdany (164 upai)
🥈 II oryn – Jańaqala aýdany (160 upai)
🥉 III oryn – Shyńǵyrlaý aýdany (154 upai)
Barlyq jeńimpazdar men júldegerler Oral qalasy dene shynyqtyrý jáne sport bóliminiń atynan kýboktarmen, diplomdarmen jáne medaldarmen marapattaldy.
14 tamyz kúni «Oral» sport klýbynyń “Arqandy saiabaq” týristik bazasynda sport salasynyń úzdikterin marapattaý keshi uiymdastyryldy.
Merekelik shara barysynda Oral qalasy ákiminiń orynbasary Jandos Dúisenǵaliev quttyqtaý sóz sóilep, qalada buqaralyq sportty damytýǵa eleýli úles qosyp júrgen jattyqtyrýshylardy, sport jýrnalisterin jáne belsendi janashyrlardy marapattady.
Sonymen qatar, Batys Qazaqstan oblysynyń dene shynyqtyrý jáne sport basqarmasynyń basshysy Bolatbek Sábitov, qalalyq sport bólimi basshysy Ashat Isanov jáne “Oral” sport klýbynyń direktory Oljas Gilymov úzdikterge alǵys hattar men estelik syilyqtar tabystady.
Saltanatty jiyn merekelik dastarhanmen jalǵasyp, qatysýshylar beiresmi jaǵdaida erkin pikir almasyp, dostyq qarym-qatynasty nyǵaitty.
