Aýyl sharýashylyǵy ministrligi Qostanai oblysy ákimdigimen birlesip, egin jinaý barysymen tanystyrý maqsatynda BAQ ókilderine arnalǵan baspasóz týryn uiymdastyrdy,- dep habarlaidy Dalanews.kz
Press-týr qatysýshylary tiimdi eginshilik, memlekettik qoldaýdy utymdy paidalaný jáne óndiriske innovatsiialardy engizýdiń tabysty úlgilerin kórsetip júrgen eki iri sharýashylyq — «Temte» JShS jáne «Agroparasat» JShS-ne bardy.
2025 jyly «Temte» 14 myń gektar alqapqa egin ekse, onyń 8 myń gektaryn — dándi daqyldar, 4 150 gektaryn — maily daqyldar, 900 gektaryn — burshaq tuqymdastar, 950 gektaryn — mal azyǵy daqyldary qurady. Dándi daqyldar alqaptaryn 40%-ǵa qysqartý esebinen maily daqyldar egisin eki ese arttyrýǵa múmkindik týdy.
«Biyl biz 45 tonna elitalyq tuqym jáne birinshi reprodýktsiialy bidaidyń 730 tonna tuqymyn satyp aldyq, bul sort almastyrý men sort jańartýdy 70%-ǵa jetkizýge múmkindik berdi. Eńbek ónimdiligin arttyrý — bizdiń basym baǵytymyz, sondyqtan jyl saiyn tehnika parkin jańartyp kelemiz. Biyl 1,2 mlrd teńgeden astam somaǵa tórt keń aýqymdy egis keshenin jáne bes sheteldik kombain satyp aldyq. Tehnikaǵa, tyńaitqyshtarǵa jáne ósimdikterdi qorǵaý quraldaryna beriletin sýbsidiia túrindegi memlekettik qoldaý — negizgi ról atqarady», — dedi «Temte» JShS direktory Nurlan Tólepov.
Ótken jyly sharýashylyq 260 tonna mineraldy tyńaitqyshty 60% jeńildikpen alyp, bul aǵymdaǵy maýsymdaǵy ónimdilikke oń áser etti.
Azamat Jolaýshybaev basqaratyn «Agroparasat» shamamen 5 myń gektar egistik alqapty óńdep, jalpy jer qory 7 myń gektardy quraidy. Egis qurylymynda — jazdyq jáne kúzdik bidai, túiejońyshqa, suly, zyǵyr, jasymyq, jońyshqa, espartset jáne bidaiyq bar.
«Kóktemgi egis jumystaryn ýaqytyly júrgizý tehnika parkin jańǵyrtý jáne memlekettik baǵdarlamalarǵa qatysý arqasynda múmkin boldy. CLAAS traktoryn jáne Forsche egis keshenin satyp aldyq, jeńildetilgen nesie berý baǵdarlamasy boiynsha 150 mln teńge aldyq», — dedi Azamat Jolaýshybaev.
Kásiporynda PETKUS dán tazalaý jabdyǵy, jalpy aýdany 6 myń sharshy metr qoimalar jáne gazben jumys isteitin astyq keptirgish bar, bul ónimdi sapaly óńdeýge jáne saqtaýǵa múmkindik beredi.
2025 jyly Qostanai oblysynda egin jinaý jumystary 5,1 mln gektar alqapty qamtidy, onyń ishinde dándi daqyldar — 4 081,3 myń ga, maily daqyldar — 873,5 myń ga.
Agronomdar málimetinshe, qolaily aýa raiynyń arqasynda dándi daqyldardyń 63,1%-y jáne maily daqyldardyń 64,1%-y óte jaqsy jaǵdaida.
Egin jinaý naýqanyna 7,9 myń astyq jinaityn kombain jáne 8,2 myń júk kóligi jumyldyrylǵan. Óńirdegi astyq saqtaý syiymdylyǵy — 8,3 mln tonna.
2025 jyly óńirdiń AÓK-in damytýǵa 207 mlrd teńge bólindi (2024 jylmen salystyrǵanda 20%-ǵa kóp), onyń ishinde 47,3 mlrd teńge — aýyl sharýashylyǵy taýaryn óndirýshilerdiń shyǵyndaryn sýbsidiialaýǵa, 62 mlrd teńge — jeńildetilgen nesielendirýge baǵyttalǵan.
Qostanai oblysy dástúrli túrde Qazaqstanda dándi jáne maily daqyldar óndirý boiynsha kóshbasshy orynda. Memlekettik qoldaý, zamanaýi tehnologiialardy engizý jáne agroqurylymdardyń turaqty damýyn úilestire otyryp, óńir joǵary kórsetkishterin saqtap, eldiń azyq-túlik qaýipsizdigin nyǵaityp keledi.
