Jetisý oblysynda eńbek zańnamasyn buzǵan jumys berýshilerge prokýratýra aralasqannan keiin qyzmetkerlerge jalaqy jáne ústeme jumys úshin 30 million teńgeden astam qarjy tólendi, dep habarlaidy Dalanews.kz.
Bas prokýratýranyń málimetinshe, Qazaqstan Konstitýtsiiasynyń 24-babyna sáikes, ár azamat kemsitýsiz eńbek etip, tiisti syiaqy alýǵa quqyly. Alaida óńirdegi birqatar jumys berýshiler bul talaptardy saqtamaǵan.
Máselen, "Jarkent Frýkt" JShS 66 qyzmetkerine 16 million teńgeden astam eńbekaqy bereshek bolyp, olardyń quqyqtaryn buzǵan. Al Tekeli qalalyq aýrýhanasynda 115 meditsina qyzmetkeri belgilengen jumys kestesinen tys jumys istegenimen, ústeme eńbegi úshin 15 million teńgeden astam aqy almaǵan.
Atalǵan faktiler boiynsha Panfilov aýdany men Tekeli qalasynyń prokýrorlary qadaǵalaý aktilerin engizip, jumys berýshiler ákimshilik jaýapkershilikke tartyldy. Nátijesinde barlyq qyzmetkerlerge jalaqy men ústeme tólem tolyqtai ótelip, jalpy sany 181 azamattyń konstitýtsiialyq quqyǵy qalpyna keltirildi.
