Búgin Premer-ministrdiń birinshi orynbasary Roman Skliardyń tóraǵalyǵymen Qazaqstannyń iri ónerkásiptik kásiporyndarynyń qyzmetine jasandy intellekt (JI) tehnologiialaryn engizý máseleleri boiynsha jiyn ótti, dep habarlaidy Dalanews.kz.
Oǵan ortalyq memlekettik organdar, ulttyq kompaniialar, salalyq birlestikter jáne iri ónerkásiptik kásiporyndardyń basshylary qatysty. Kún tártibinde iri ónerkásiptik kásiporyndarda jasandy intellektini engizýdiń aǵymdaǵy mártebesi, tsifrlyq tehnologiialar men jasandy intellekt negizinde óńdeýshi ónerkásipti damytý, ónerkásipte jasandy intellektini qoldaný tájiribesi jáne ony odan ári damytý josparlary qaraldy.
"Jasandy intellektini engizý – bul jai ǵana tehnologiialardy jańǵyrtý emes, búkil ekonomika úshin strategiialyq qadam. Qazaqstan óz ónerkásibiniń álemdik naryqtaǵy básekege qabiletti jeke saraptamasy men sheshimderin qalyptastyrýy tiis", - dep atap ótti Roman Skliar.
Otandyq tehnologiialyq sheshimderdi engizýge, sondai-aq ozyq álemdik tájiribemen almasýdy qamtamasyz etýge erekshe nazar aýdaryldy.
Josparlanǵan sharalardy júzege asyrý óndiristik úderisterdiń tiimdiligi men qaýipsizdigin arttyrýǵa ǵana emes, sonymen qatar tehnologiialyq jańǵyrtýǵa, ónimdiliktiń ósýine jáne Qazaqstannyń indýstriialyq damý kóshbasshylary qataryndaǵy pozitsiiasyn nyǵaitýǵa turaqty negiz qalyptastyrýǵa múmkindik beredi.
