Semeide er adam politsiia bóliminiń aldynda aiaýsyz soqqyǵa jyǵylǵan
Сағыныш Сардарова
video kadry
Semeide belgisiz bireýler er adamdy ortalyq politsiia bóliminiń aldynda soqqyǵa jyǵyp, pyshaqtap ketti, dep habarlaidy Dalanews.kz.
Semeidiń ortalyǵynda jantúrshigerlik oqiǵa boldy. Jaiaý júrginshiler ótkeliniń mańynda, eń bastysy ortalyq politsiia bóliminiń ǵimaratynan birneshe metr jerde iri deneli er adamdar jolda jatqan adamdy soqqyǵa jyqqan.
Málimetke súiensek, shabýyldaýshylardyń birinde pyshaq bolǵan, ol jábirlenýshige birneshe ret soqqy jasaǵan.
Oqiǵa kúndiz kýágerlerdiń kóz aldynda bolǵan. Olar bolǵan jaitty telefon kamerasyna túsirip alǵan.
Áleýmettik jeli qoldanýshylary videony kórgen soń politseilerdiń kóz aldynda bolyp jatqan bul bassyzdyqqa jáne eshkimniń jábirlenýshige kómektespegenine narazylyq bildirgen. Degenmen ótip bara jatqan adamdardyń biri aralasýǵa tyrysqan.
Abai oblystyq politsiia departamenti ázirge bolǵan oqiǵaǵa qatysty túsinikteme bergen joq.
