Almatyda qazaq Robin Gýd atanǵan Iliias Sárievke qatysty sot ótip jatyr, - dep habarlaidy Dalanews.kz.
Kazinform málimetinshe, "Elge kómek" qaiyrymdylyq qorynyń jetekshisi Iliias Sárievke qatysty is qaralyp jatyr.
"Bul qylmystyq is 2025 jylǵy 11 shildede Almaty qalasy Almaly aýdandyq sotyna tústi. Qylmystyq is boiynsha sot talqylaýy Qazaqstan Respýblikasynyń Qylmystyq-protsestik kodeksiniń 29-babyna sáikes ashyq tártipte júrgizilip jatyr", – dep jaýap bergen sotta.
Bloger nelikten ustaldy?
"Elge kómek ber" qaiyrymdylyq qorynyń jetekshisi Iliias Sariev ustalǵanyn alǵashynda zańger Nursultan Orynbekov málimdedi. Onyń sózinshe, jurttan Sarievtiń ústine aryz túsken.
"Qazaq Robin Gýd Iliias Sariev alaiaqtyq baby boiynsha ustaldy. Almatydan osyndai habar keldi. Birneshe adamnan alaiaqtyq áreketi boiynsha aryz túsken edi. Qazir sol boiynsha ustalǵany belgili boldy. Aldanǵandar bolsa, Almaty IID-ne aryzdansańyzdar bolady", - dedi ol.
Artynsha Dalanews.kz Almaty Politsiia departamentine saýal joldap, resmi aqparat ta aldy.
"Almaly aýdandyq PB-na qarasty politsiia bólimi alaiaqtyq deregi boiynsha qylmystyq is qozǵady. Jan-jaqty jáne obektivti tergeýge baǵyttalǵan tergeý sharalary júrgizilip jatyr. Olardyń qorytyndysy boiynsha protsessýaldyq sheshim qabyldanady", - dep jazylǵan Almaty Politsiia departamentiniń buǵan deiingi jaýabynda.
