الماتىدا قازاق روبين گۋد اتانعان ءىلياس سارييەۆكە قاتىستى سوت ءوتىپ جاتىر، - دەپ حابارلايدى Dalanews.kz.
Kazinform مالىمەتىنشە، "ەلگە كومەك" قايىرىمدىلىق قورىنىڭ جەتەكشىسى ءىلياس سارييەۆكە قاتىستى ءىس قارالىپ جاتىر.
"بۇل قىلمىستىق ءىس 2025 جىلعى 11 شىلدەدە الماتى قالاسى المالى اۋداندىق سوتىنا ءتۇستى. قىلمىستىق ءىس بويىنشا سوت تالقىلاۋى قازاقستان رەسپۋبليكاسىنىڭ قىلمىستىق-پروسەستىك كودەكسىنىڭ 29-بابىنا سايكەس اشىق تارتىپتە جۇرگىزىلىپ جاتىر"، – دەپ جاۋاپ بەرگەن سوتتا.
بلوگەر نەلىكتەن ۇستالدى؟
"ەلگە كومەك بەر" قايىرىمدىلىق قورىنىڭ جەتەكشىسى ءىلياس سارييەۆ ۇستالعانىن العاشىندا زاڭگەر نۇرسۇلتان ورىنبەكوۆ مالىمدەدى. ونىڭ سوزىنشە، جۇرتتان سارييەۆتىڭ ۇستىنە ارىز تۇسكەن.
"قازاق روبين گۋد ءىلياس سارييەۆ الاياقتىق بابى بويىنشا ۇستالدى. الماتىدان وسىنداي حابار كەلدى. بىرنەشە ادامنان الاياقتىق ارەكەتى بويىنشا ارىز تۇسكەن ەدى. ءقازىر سول بويىنشا ۇستالعانى بەلگىلى بولدى. الدانعاندار بولسا، الماتى ىىد-نە ارىزدانساڭىزدار بولادى"، - دەدى ول.
ارتىنشا Dalanews.kz الماتى پوليسيا دەپارتامەنتىنە ساۋال جولداپ، رەسمي اقپارات تا الدى.
"المالى اۋداندىق پب-نا قاراستى پوليسيا ءبولىمى الاياقتىق دەرەگى بويىنشا قىلمىستىق ءىس قوزعادى. جان-جاقتى جانە وبەكتيۆتى تەرگەۋگە باعىتتالعان تەرگەۋ شارالارى جۇرگىزىلىپ جاتىر. ولاردىڭ قورىتىندىسى بويىنشا پروسەسسۋالدىق شەشىم قابىلدانادى"، - دەپ جازىلعان الماتى پوليسيا دەپارتامەنتىنىڭ بۇعان دەيىنگى جاۋابىندا.
