وتباسى بانك ەيەلدەرگە باسپانا الۋعا مٷمكٸندٸك بەرەتٸن "ۇماي" يپوتەكالىق باعدارلاماسىنىڭ ەكٸنشٸ كەزەڭٸن ٸسكە قوستى. جوباعا ازييا دامۋ بانكٸ 20 ملرد تەڭگە بٶلدٸ, دەپ حابارلايدى dalanews.kz.
باعدارلاما اياسىندا قازاقستاندىق ەيەلدەر تۇرعىن ٷي ساتىپ الۋ ٷشٸن 50 ملن تەڭگەگە دەيٸن نەسيە رەسٸمدەي الادى. قارىزدىڭ جىلدىق مٶلشەرلەمەسٸ 14,8 پايىزدى قۇرايدى. جىلدىق تيٸمدٸ سىياقى مٶلشەرلەمەسٸ 16,3–16,8 پايىز ارالىعىندا بەلگٸلەنگەن.
الماتى مەن استانادا باسپانا قۇنىنىڭ كەمٸندە 20 پايىزىن باستاپقى جارنا رەتٸندە تٶلەۋ قاجەت. ٶزگە قالالاردا بۇل كٶرسەتكٸش 15 پايىزدان باستالادى. باعدارلاماعا قاتىسۋ ٷشٸن وتباسىنىڭ ورتاشا ايلىق تازا تابىسى 1,25 ملن تەڭگەدەن اسپاۋعا تيٸس. سونداي-اق ٷمٸتكەر سوڭعى التى ايداعى رەسمي تابىسىن راستاۋى كەرەك.
"ۇماي" باعدارلاماسى ارقىلى جاڭادان سالىنعان تۇرعىن ٷيدەن نەمەسە قايتالاما نارىقتان پەتەر ساتىپ الۋعا بولادى. الايدا ەكٸنشٸ نارىقتاعى باسپانا ورنالاسقان عيمارات 2016 جىلدان ەرتە سالىنباۋى قاجەت.
ٶتٸنٸمدٸ وتباسى بانكتٸڭ سايتى ارقىلى ونلاين بەرۋگە بولادى. بۇدان بٶلەك, بانك كونسۋلتانتىنىڭ كٶمەگٸنە جٷگٸنۋ نەمەسە بٶلٸمشەگە تٸكەلەي بارۋ مٷمكٸندٸگٸ قاراستىرىلعان.
بۇعان دەيٸن باعدارلاماعا ٶتٸنٸم قابىلداۋ نەبەرٸ جەتٸ ساعات ٸشٸندە توقتاتىلعان ەدٸ. 31 تامىزدا بانككە 855 ٶتٸنٸم تٷسٸپ, بٶلٸنگەن 9 ملرد تەڭگە ليميتٸ تولىق يگەرٸلگەن. ەندٸ ازييا دامۋ بانكٸ باعدارلامانى جالعاستىرۋ ٷشٸن قوسىمشا 20 ملرد تەڭگە بٶلدٸ.
