قازاقستاننىڭ ەڭ قارت تۇرعىنى دٷنيەدەن ٶتتٸ

قازاقستاننىڭ ەڭ قارت تۇرعىنى رەتٸندە تانىلعان تٷيمەگٷل تەمٸرباەۆا 116 جاسىندا ٶمٸردەن ٶتتٸ. قارالى حاباردى ۇلىتاۋ وبلىسىنىڭ ەكٸمدٸگٸ مەلٸمدەدٸ, دەپ حابارلايدى dalanews.kz.

ۇلىتاۋ وبلىسىنىڭ ەكٸمدٸگٸ عاسىردان استام عۇمىر كەشكەن تٷيمەگٷل تەمٸرباەۆانىڭ قايتىس بولۋىنا بايلانىستى مارقۇمنىڭ تۋعان-تۋىستارى مەن جاقىندارىنا كٶڭٸل ايتتى.

ٶڭٸر ەكٸمدٸگٸنٸڭ مەلٸمەتٸنشە, ۇزاق جاساعان كەيۋانا بٸرنەشە ۇرپاقتىڭ ٶسٸپ-جەتٸلۋٸنە كۋە بولىپ, ەۋلەتٸنٸڭ اقىلشىسى ەرٸ تٸرەگٸ بولعان.

15 نەمەرە, 25 شٶبەرە سٷيگەن

تٷيمەگٷل تەمٸرباەۆا ٶمٸرٸندە 15 نەمەرە مەن 25 شٶبەرە سٷيگەن. ەكٸمدٸك تاراتقان كٶڭٸل ايتۋ حابارلاماسىندا ونىڭ وتباسى مەن قوعام ٶمٸرٸندەگٸ ورنى ەرەكشە اتاپ ٶتٸلدٸ.

مارقۇم ۇزاق عۇمىرىندا تەك وتباسىنىڭ جاعدايىنا كٶڭٸل بٶلٸپ قانا قويماي, ەلدەگٸ ماڭىزدى وقيعالار مەن قوعامدىق ٶزگەرٸستەردٸ دە نازاردا ۇستاعان.

ۇلىتاۋ وبلىسىنىڭ ەكٸمدٸگٸ تٷيمەگٷل تەمٸرباەۆانىڭ ٶنەگەلٸ ٶمٸر جولى كەيٸنگٸ ۇرپاققا ٷلگٸ بولىپ قالاتىنىن جەتكٸزدٸ.

"عاسىردان استام عۇمىر كەشكەن انانىڭ ٶنەگەلٸ ٶمٸر جولى مەن جارقىن بەينەسٸ ۇرپاقتارىنىڭ جادىندا عانا ەمەس, ەلٸمٸزدٸڭ تاريحىندا دا ساقتالاتىنىنا سەنٸمدٸمٸز", – دەلٸنگەن ەكٸمدٸكتٸڭ كٶڭٸل ايتۋىندا.

116 جاسىندا دٷنيەدەن ٶتكەن تٷيمەگٷل تەمٸرباەۆا بٸرنەشە تاريحي كەزەڭدٸ باستان ٶتكەرٸپ, بٸر عاسىردان استام ۋاقىتتىڭ كۋەسٸ بولدى.