تٷركٸستان وبلىسى كەلەس اۋدانىندا كٶكتەمدە سۋعا اعىپ كەتكەن 8 جاستاعى جاننۇردىڭ اناسى ەلەۋمەتتٸك جەلٸدە ۇلىن ەلٸ كٷنگە دەيٸن كٷتٸپ جٷرگەنٸن جازدى. بالاسىنىڭ جوعالعانىنا جەتٸ ايدان اسسا دا, اناسى ونىڭ امان ورالاتىنىنان ٷمٸت ٷزبەگەن.
جاننۇردىڭ اناسى ەلەۋمەتتٸك جەلٸدەگٸ جازباسىندا ۇلىن جوعالتقاننان كەيٸنگٸ اۋىر كٷندەرٸ مەن جان دٷنيەسٸندەگٸ تولعانىسىن بٶلٸستٸ. ونىڭ ايتۋىنشا, بالاسىنىڭ تاعدىرى بەلگٸسٸز كٷيدە ٶمٸر سٷرۋ كٷن ٶتكەن سايىن قيىنداي تٷسكەن.
"بالاڭنىڭ ٶلٸ-تٸرٸسٸن بٸلمەي ٶمٸر سٷرۋ قانداي قيىن! نە كٷتەرٸڭدٸ, نە ٷمٸت ٷزەرٸڭدٸ بٸلمەيسٸڭ. سانامدا سان تٷرلٸ ويمەن ساعات, مينۋت, سەكۋند سايىن ارپالىسامىن. بٸرەۋ تاۋىپ الدى, بٸرەۋ ەكەلەدٸ, بٸر جەردە جٷر, مٷمكٸن ەسٸنەن ايىرىلىپ قالدى دەگەن ويلارمەن ٶمٸر سٷرەمٸن", – دەپ جازدى ول.
ەسكە سالايىق, وقيعا 2026 جىلعى 23 ناۋرىزدا تٷركٸستان وبلىسى كەلەس اۋدانىنا قاراستى اباي اۋىلىندا بولعان. ەكٸنشٸ سىنىپتا وقيتىن 8 جاستاعى جاننۇر ارىققا تٷسٸپ كەتكەن اياق كيٸمٸن الماق بولعان. الايدا سۋعا تٷسكەن سەتتە تايىپ قۇلاپ, قاتتى اعىس بالانى كەلەس ٶزەنٸنە قاراي الىپ كەتكەن.
وقيعادان كەيٸن بالانى ٸزدەۋگە قۇتقارۋشىلار, سٷڭگۋٸرلەر مەن ەرٸكتٸلەر جۇمىلدىرىلدى. ٸزدەستٸرۋ جۇمىستارىنا دروندار دا پايدالانىلدى. ماماندار ٶزەن بويى مەن وعان جاقىن اۋماقتاردى ۇزاق ۋاقىت تەكسەرگەنٸمەن, جاننۇردى تابۋ مٷمكٸن بولمادى.
كەيٸن رەسمي ٸزدەستٸرۋ جۇمىستارى توقتاتىلعان.
اناسى بالاسىنىڭ تاعدىرى ەلٸ بەلگٸسٸز ەكەنٸن ايتىپ, بٸر كٷنٸ ٷيٸنە ورالار دەگەن سەنٸممەن ٶمٸر سٷرٸپ جٷرگەنٸن جەتكٸزدٸ.
"ەڭ قيىنى – بالام قايتىس بولدى دەگەندٸ ساناما سىيدىرا المايمىن. مٷمكٸن, بالام امان-ەسەن, تٸرٸ كەلەتٸن شىعار دەپ ايقايلاعىم كەلەدٸ. مەن ەلٸ دە كٷتەمٸن. سەنسٸز ٶتكەن 222 كٷن. سەنسٸز ٶتٸپ جاتقان مەنٸڭ ٶمٸرٸم", – دەپ جازدى ول.
جازبا ەلەۋمەتتٸك جەلٸ قولدانۋشىلارىنىڭ دا جٷرەگٸن ەلجٸرەتتٸ. كٶپشٸلٸك بالاسىن كٷتكەن اناعا قولداۋ بٸلدٸرٸپ, سابىر مەن كٷش-قۋات تٸلەدٸ.
