قازاقستاندا سەگٸز ينۆەستيتسييالىق جوبا اياسىندا 494 اتاۋداعى دەرٸلٸك پرەپارات ٶندٸرۋ جوسپارلانىپ وتىر. جوبالاردىڭ جالپى قۇنى 862 ملن دوللاردى قۇرايدى. بۇل تۋرالى ٷكٸمەت وتىرىسىندا دەنساۋلىق ساقتاۋ مينيسترٸ اقمارال ەلنازاروۆا مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, جوبالاردى جٷزەگە اسىرۋ نەتيجەسٸندە 1,2 مىڭنان استام جۇمىس ورنى اشىلادى. العاشقى 300 دەرٸ-دەرمەك تٷرٸن 2027–2030 جىلدارى كەزەڭ-كەزەڭٸمەن ٶندٸرٸسكە ەنگٸزۋ كٶزدەلگەن.
وتاندىق فارماتسەۆتيكا ٶنەركەسٸبٸندە دە ٶسٸم بايقالادى. 2025 جىلدىڭ قورىتىندىسى بويىنشا قازاقستاندىق دەرٸ-دەرمەك ٶندٸرٸسٸ 37%-عا ارتقان. ال 2026 جىلدىڭ العاشقى سەگٸز ايىندا 157 ملرد تەڭگەنٸڭ ٶنٸمٸ شىعارىلدى. بۇل ٶتكەن جىلدىڭ سەيكەس كەزەڭٸمەن سالىستىرعاندا 30%-عا جوعارى.
سوڭعى ەكٸ جىلدا فارماتسەۆتيكا سالاسىنا سالىنعان ينۆەستيتسييا كٶلەمٸ 3,3 ەسە, ال ەكسپورت 1,9 ەسە ٶسكەن. قازاقستاندىق دەرٸلٸك پرەپاراتتار رەسەي, قىرعىزستان, ٶزبەكستان, موڭعولييا جەنە مولدوۆاعا جەتكٸزٸلەدٸ.
وتاندىق ٶنٸمنٸڭ شەتەل نارىعىنا شىعۋىنىڭ بٸر مىسالى رەتٸندە شىمكەنتتە ٶندٸرٸلگەن قانت ديابەتٸنە قارسى پرەپاراتتىڭ العاشقى پارتيياسىن بولگاريياعا جەتكٸزۋ اتالدى.
مينيسترلٸك فارماتسەۆتيكالىق ٶندٸرٸستٸ ودان ەرٸ دامىتۋ ٷشٸن ٶندٸرۋشٸلەرمەن ۇزاقمەرزٸمدٸ كەلٸسٸمشارتتاردى كەڭەيتٸپ, وتاندىق ٶنٸمدٸ ساتىپ الۋ تەتٸكتەرٸن جەتٸلدٸرۋدٸ جوسپارلاپ وتىر. بۇل شارالار ەلدەگٸ دەرٸ-دەرمەك ٶندٸرٸسٸن ۇلعايتۋعا جەنە وتاندىق پرەپاراتتاردىڭ تٷر-تٷرٸن كٶبەيتۋگە باعىتتالعان.
