رەسەيدٸڭ سامارا قالاسىنداعى ٸرٸ مۇناي تاسىمالداۋ تورابىندا بولعان ٶرت قازاقستان مۇنايىن ەكسپورتتاۋدىڭ بٸر باعىتىنا كەدەرگٸ كەلتٸردٸ. 2 قاراشاعا قاراعان تٷنٸ ۇشقىشسىز ۇشۋ اپپاراتتارىنىڭ شابۋىلىنان كەيٸن رەسەي «اتىراۋ – سامارا» مۇناي قۇبىرى ارقىلى قازاقستاندىق مۇنايدى قابىلداۋدى ۋاقىتشا توقتاتتى, دەپ حابارلايدى dalanews.kz.
2 قاراشاعا قاراعان تٷنٸ دروندار سامارا ٶندٸرٸستٸك-ديسپەتچەرلٸك تورابىنا شابۋىل جاساعان. مەسكەۋ ۋاقىتىمەن ساعات 04:09-دا وسى باعىت بويىنشا قازاقستاندىق مۇنايدى تاسىمالداۋ توقتاتىلدى. قازاقستاننىڭ ەنەرگەتيكا مينيسترلٸگٸ مۇناي قابىلداۋدىڭ ۋاقىتشا توقتاتىلعانىن راستادى. قازٸر ماماندار شابۋىلدان كەيٸن جابدىقتاردىڭ جاي-كٷيٸن تەكسەرٸپ جاتىر.
مينيسترلٸك مەلٸمەتٸنشە, اتالعان باعىت بويىنشا مۇناي قابىلداۋ جاقىن ارادا قايتا جاندانۋى مٷمكٸن. بيىلعى جىلدىڭ العاشقى توعىز ايىندا قازاقستان «اتىراۋ – سامارا» مۇناي قۇبىرى ارقىلى 7,57 ميلليون توننا مۇناي ەكسپورتتاعان.
سامارا مۇناي تورابىنا شابۋىل جيٸلەگەن
بۇل – سوڭعى بٸر ايدا سامارا مۇناي تورابىنا جاسالعان بەسٸنشٸ شابۋىل. بۇعان دەيٸن دروندار 2, 7, 10 جەنە 11 قازاندا سوققى جاساعان. «سامارا» ستانتسيياسى «ترانسنەفت» كومپانيياسىنا تيەسٸلٸ. ول رەسەيدەگٸ مۇنايدى ايداۋ جەنە ساقتاۋ بويىنشا ەڭ ٸرٸ توراپتاردىڭ بٸرٸ سانالادى. مۇندا جالپى سىيىمدىلىعى 1,6 ميلليون تەكشە مەتردەن اساتىن 71 مۇناي رەزەرۆۋارى بار. توراپقا تٶرت مۇناي قۇبىرى جالعانعان.
ولاردىڭ بٸرٸ – كەزٸندە گۋرەۆ – كۋيبىشەۆ دەپ اتالعان «اتىراۋ – سامارا» مۇناي قۇبىرى. قازاقستان مۇنايى وسى باعىت ارقىلى رەسەيدٸڭ ماگيسترالدىق قۇبىر جٷيەسٸنە قوسىلىپ, ودان ەرٸ سىرتقى نارىقتارعا جەتكٸزٸلەدٸ. ايتا كەتەيٸك, بيىل تامىزدا كاسپيي قۇبىر كونسورتسيۋمىندا (كقك) تۋىنداعان مەسەلەلەرگە بايلانىستى قازاقستان «اتىراۋ – سامارا» باعىتى ارقىلى مۇناي تاسىمالداۋ كٶلەمٸن ارتتىرعان بولاتىن.
