Qazaqstanda segiz investitsiialyq joba aiasynda 494 ataýdaǵy dárilik preparat óndirý josparlanyp otyr. Jobalardyń jalpy quny 862 mln dollardy quraidy. Bul týraly Úkimet otyrysynda Densaýlyq saqtaý ministri Aqmaral Álnazarova málimdedi, dep habarlaidy dalanews.kz.
Ministrdiń aitýynsha, jobalardy júzege asyrý nátijesinde 1,2 myńnan astam jumys orny ashylady. Alǵashqy 300 dári-dármek túrin 2027–2030 jyldary kezeń-kezeńimen óndiriske engizý kózdelgen.
Otandyq farmatsevtika ónerkásibinde de ósim baiqalady. 2025 jyldyń qorytyndysy boiynsha qazaqstandyq dári-dármek óndirisi 37%-ǵa artqan. Al 2026 jyldyń alǵashqy segiz aiynda 157 mlrd teńgeniń ónimi shyǵaryldy. Bul ótken jyldyń sáikes kezeńimen salystyrǵanda 30%-ǵa joǵary.
Sońǵy eki jylda farmatsevtika salasyna salynǵan investitsiia kólemi 3,3 ese, al eksport 1,9 ese ósken. Qazaqstandyq dárilik preparattar Resei, Qyrǵyzstan, Ózbekstan, Mońǵoliia jáne Moldovaǵa jetkiziledi.
Otandyq ónimniń shetel naryǵyna shyǵýynyń bir mysaly retinde Shymkentte óndirilgen qant diabetine qarsy preparattyń alǵashqy partiiasyn Bolgariiaǵa jetkizý ataldy.
Ministrlik farmatsevtikalyq óndiristi odan ári damytý úshin óndirýshilermen uzaqmerzimdi kelisimsharttardy keńeitip, otandyq ónimdi satyp alý tetikterin jetildirýdi josparlap otyr. Bul sharalar eldegi dári-dármek óndirisin ulǵaitýǵa jáne otandyq preparattardyń túr-túrin kóbeitýge baǵyttalǵan.
