Qazaqstandyq azamat zańdy áke mártebesinen bas tartýǵa qatysty talaptardy qaita qaraýdy surap, Konstitýtsiialyq sotqa júgindi, dep habarlaidy dalanews.kz.
Informburo.kz málimetinshe, er adam balanyń óziniń biologiialyq perzenti emes ekenin áýelden bilgen. Soǵan qaramastan, týý týraly kýáliktegi «ákesi» degen baǵanǵa óz aty-jónin jazdyrýǵa erikti túrde kelisken.
Alaida áielimen ajyrasqannan keiin ol sotqa júginip, balanyń týý týraly qujatynan ózi týraly málimetterdi alyp tastaýdy suraǵan. Osylaisha, balany asyraý men tárbieleýge bailanysty mindetterden bosatýdy kózdegen.
Sot onyń talabyn qanaǵattandyrmady. Óitkeni qoldanystaǵy zańǵa sáikes, er adam balamen biologiialyq týystyǵy joq ekenin aldyn ala bile tura, ózin onyń ákesi retinde tirketse, keiin zańdy áke mártebesinen bas tarta almaidy.
Osyǵan bailanysty azamat «Neke (erli-zaiyptylyq) jáne otbasy týraly» kodekstegi jáne Joǵarǵy sottyń normativtik qaýlysyndaǵy tiisti normalardyń Konstitýtsiiaǵa sáikestigin tekserýdi surady.
Konstitýtsiialyq sot ótinishti qarap, qabyldanǵan sheshimdi keiin jariialaidy.
