قازاقستاندا اليمەنت تٶلەمەي جٷرگەن اتا-اناعا قارسى كٷرەس كٷشەيدٸ. ەندٸ ولاردىڭ تاكسي, كۋرەرلٸك جەنە كازينو مەن بۋكمەكەرلٸك كەڭسەلەردەگٸ تابىسى تەكسەرٸلەدٸ, دەپ حابارلايدى dalanews.kz 24KZ-كە سٸلتەپ.
بيىل ەلدە اليمەنت تٶلەۋدەن جالتارعاندارعا قاتىستى 991 قىلمىستىق ٸس تٸركەلدٸ. مەملەكەت كٷرەس شارالارىن جىلدان جىلعا كٷشەيتٸپ كەلەدٸ.
جۋىردا ولاردى تەزگە سالۋدىڭ تاعى بٸر تەتٸگٸ ٸسكە قوسىلعان. بۇدان بىلاي ۇل-قىزىنىڭ الدىندا قارىزى بار ازاماتتاردىڭ تاكسي جەنە كۋرەرلٸك قىزمەتتەردەن تٷسكەن تابىسى دا تەكسەرٸلەدٸ.
"ياندەكس, ونلاين كازينو بار, سولارعا قاعاز جٷزٸندە جٸبەرٸلٸپ وتىراتىن. قازٸر رەسپۋبليكالىق پالاتا مەن ەدٸلەت مينيسترلٸگٸ وسى جۇمىستى اۆتوماتتاندىرىپ جاتىر. بۇل ٸسكە اساتىن بولسا, جەكە سوت ورىنداۋشىلارىنىڭ جۇمىسىن ەلدەقايدا وڭايلاتىپ, اليمەنت بويىنشا ٶزگە دە تابىس كٶزدەرٸن انىقتاۋعا, اليمەنت تٶلەمەي جالتارىپ جٷرگەن بورىشكەرلەردەن اقشا ٶندٸرۋگە جاقسى باستاما. قازٸر اليمەنت ٶندٸرۋ بويىنشا سوت ورىنداۋشىلارى مەملەكەتتٸك ورگان, بانك جەنە ەڭبەك شارتتارىن ەسەپكە الۋ جٷيەسٸمەن قويان-قولتىق جۇمىس ٸستەيدٸ. بۇل قاتارعا ەندٸ ٶزٸن-ٶزٸ قامتىعان ازاماتتار ەڭبەك ەتەتٸن جولاۋشى تاسىمالى, جەتكٸزۋ قىزمەتتەرٸنٸڭ ونلاين پلاتفورمالارى قوسىلدى. سونداي-اق, مۇنداي ساۋالدار بۋكمەكەرلەرٸك كەڭسەلەر مەن كازينولارعا دا جٸبەرٸلەدٸ", - دەدٸ جەكە سوت ورىنداۋشىلارىنىڭ ٶڭٸرلٸك پالاتاسى باسشىسىنىڭ ورىنباسارى دەۋرەن ديداربەكوۆ.
