Qazaqstanda aliment tólemei júrgen ata-anaǵa qarsy kúres kúsheidi. Endi olardyń taksi, kýrerlik jáne kazino men býkmekerlik keńselerdegi tabysy tekseriledi, dep habarlaidy dalanews.kz 24KZ-ke siltep.
Biyl elde aliment tóleýden jaltarǵandarǵa qatysty 991 qylmystyq is tirkeldi. Memleket kúres sharalaryn jyldan jylǵa kúsheitip keledi.
Jýyrda olardy tezge salýdyń taǵy bir tetigi iske qosylǵan. Budan bylai ul-qyzynyń aldynda qaryzy bar azamattardyń taksi jáne kýrerlik qyzmetterden túsken tabysy da tekseriledi.
"Iandeks, onlain kazino bar, solarǵa qaǵaz júzinde jiberilip otyratyn. Qazir respýblikalyq palata men Ádilet ministrligi osy jumysty avtomattandyryp jatyr. Bul iske asatyn bolsa, jeke sot oryndaýshylarynyń jumysyn áldeqaida ońailatyp, aliment boiynsha ózge de tabys kózderin anyqtaýǵa, aliment tólemei jaltaryp júrgen boryshkerlerden aqsha óndirýge jaqsy bastama. Qazir aliment óndirý boiynsha sot oryndaýshylary memlekettik organ, bank jáne eńbek sharttaryn esepke alý júiesimen qoian-qoltyq jumys isteidi. Bul qatarǵa endi ózin-ózi qamtyǵan azamattar eńbek etetin jolaýshy tasymaly, jetkizý qyzmetteriniń onlain platformalary qosyldy. Sondai-aq, mundai saýaldar býkmekerlerik keńseler men kazinolarǵa da jiberiledi", - dedi jeke sot oryndaýshylarynyń óńirlik palatasy basshysynyń orynbasary Dáýren Didarbekov.
