Qazaqstanda 2027 jylǵa arnalǵan dári-dármekterdi satyp alý naýqany ótken jylmen salystyrǵanda úsh ai buryn bastaldy. Qyrkúiek aiyna deiin qajetti preparattardyń 84%-y satyp alynǵan. Bul týraly Densaýlyq saqtaý ministri Aqmaral Álnazarova málimdedi, dep habarlaidy dalanews.kz.
Ministrdiń sózinshe, dári-dármektiń azaitylmaityn qory 35%-ǵa ulǵaitylǵan. Jyl sońyna deiin Biryńǵai distribiýtor qoimalarynda kelesi jylǵa qajetti preparattardyń 95–100%-yn qalyptastyrý josparlanyp otyr.
Dári-dármekke degen qajettilikti josparlaý kezinde 692 meditsinalyq uiymnyń derekteri eskeriledi. Bul tásil preparattardyń tapshylyǵyna jol bermeýge jáne artyq satyp alýdy boldyrmaýǵa baǵyttalǵan.
Qazirgi ýaqytta ambýlatoriialyq dári-dármekpen qamtamasyz etý aiasynda 76 aýrý boiynsha 2,1 mln patsient qamtylǵan. Bul maqsatqa shamamen 245 mlrd teńge qarastyrylǵan.
