Buǵan deiin basynan ótkergen seksýaldyq zorlyq-zombylyq týraly ashyq aitqan qazaqstandyq Natasha Qalymbetova AQSh-ta qyzymen qaýyshqannan keiin DNQ saraptamasynyń qorytyndysyn jariialady. Zertteý nátijesi olardyń biologiialyq týystyǵyn 100 paiyz rastaǵan. Bul týraly áiel áleýmettik jelidegi paraqshasynda aitty, dep habarlaidy dalanews.kz.
Natasha Qalymbetovanyń aitýynsha, ol AQSh-qa óz betinshe baryp, uzaq ýaqyt izdegen qyzyn tapqan. Anasy men qyzynyń arasyndaǵy týystyq bailanysty anyqtaý úshin DNQ saraptamasy jasalǵan. Nátijesinde olardyń biologiialyq týystyǵy rastaldy.
Áiel bul qorytyndyǵa ózi burynnan senimdi bolǵanyn, alaida qyzynyń saraptama nátijesin kútken kezde qobaljyǵanyn aitty. Áleýmettik jelide jariialaǵan videosynda Natasha Qalymbetova uzaq jyldarǵa sozylǵan izdenisi aqyry nátijesin bergenin aityp, qýanyshymen bólisti.
«Mundai qiyndyqty ekiniń biri eńsere bermeitin shyǵar. Biraq men budan óttim. Ómir boiy azap shegip, qinaldym. Soǵan qaramastan, aqyry qyzymmen qaýyshtym. Barlyǵyna óz kúshimmen qol jetkizdim. Aqyry Amerikaǵa baryp, qyzymdy taptym.
Búgin DNQ saraptamasynyń nátijesi shyqty. Onyń qorytyndysy boiynsha, týystyǵymyz 100 paiyzǵa rastaldy. Men buǵan deiin de senimdi edim, biraq qyzymnyń qobaljyǵany baiqaldy.
Qysqasy, qyzdar, múmkin emes nárseniń ózi múmkin eken. Bireýdiń kómeginsiz, eshkimge arqa súiemei, mundai qadamǵa kim bara alady? Men bardym. Barlyǵyn ózim, eshkimniń kómeginsiz, óz kúshimmen jasadym», – dedi Natasha Qalymbetova.
Sondai-aq ol qyzynyń ózi týraly jariialanymdardy baqylap, áleýmettik jelidegi pikirlerdi oqyp, bolyp jatqan oqiǵalardan habardar bolyp otyrǵanyn jetkizdi. Qazir áiel qyzymen qaita júzdesip, kópten kútken qýanyshty sátti birge atap ótýdi asyǵa kútip júr. Degenmen ol bul kúndi ómirden ótken anasynyń kóre almaǵanyna ókinish bildirdi. Aitýynsha, anasy nemeresiniń tabylǵanyn jáne qyzynyń osyndai baqytty sátke jetkenin kóre almai ketken.
Eske salaiyq, buǵan deiin Natasha Qalymbetova áleýmettik jelide 17 jasynda tórt aýyldasy tarapynan zorlanǵanyn málimdegen bolatyn. Onyń aitýynsha, oqiǵa bolǵannan keiin uzaq jyl boiy quqyq qorǵaý organdaryna júginbei, keiin shetelge kóship ketken.
Osy málimdemeden keiin quqyq qorǵaý organdary sotqa deiingi tergep-tekserýdi bastaǵan edi.
