Qazaqstanda jeltoqsannyń sońynda jeke paidalaný úshin shetelden kólik ákelýdiń jańa erejeleri kúshine enedi. Bul týraly "KTK" telearnasynyń siýjetinde aitylǵan, dep habarlaidy dalanews.kz.
Jańa talaptardy Kólik ministrligi bekitti. Endi shetelden ákelinetin kólik shyǵarylǵanyna bes jyldan aspaýy jáne ekologiialyq sanaty "Eýro-5" standartynan tómen bolmaýy kerek. Bul talaptar jeńil kólikterge ǵana emes, mototsiklderge, mopedterge, júk kólikteri men tirkemelerge de qatysty.
Kompaniialar men jeke kásipkerler úshin bólek erejeler qarastyrylǵan.
Kólik sarapshylarynyń pikirinshe, jańa talaptar kólik kúrt qymbattaýyna ákep soqpaidy. Óitkeni shetelden ákelinetin kólikterdiń basym bóligi onsyz da salystyrmaly túrde jańa. Degenmen Qazaqstan naryǵynda burynnan bar kólikterge suranys artýy múmkin.
Sondai-aq, bul ózgerister otandyq kólik óndirýshilerge tiimdi bolýy yqtimal.
"Bul Qazaqstanda shyǵarylǵan jańa kólikterdiń satylymyn arttyrýǵa baǵyttalǵan. Qazir elimizde satylatyn jańa kólikterdiń shamamen 70 paiyzy Qazaqstanda óndiriledi. Jańa avtozaýyttar da salynyp jatyr. Byltyr iske qosylǵan iri zaýyttardyń biri Almatyda ornalasqan. Árine, sol zaýyttarda shyǵarylǵan kólikterdi satý kerek", - dedi sarapshy Aleksei Alekseev.
