Memleket basshysy Qasym-Jomart Toqaev Parlament palatalarynyń birlesken otyrysynda «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty el damýynyń negizgi baǵyttaryn aıqyndaıtyn Qazaqstan halqyna Joldaýyn jarıalady.
«Adam balasy adam balasynan aqyl, ǵylym, ar, minez degen nárselermen ozady» - dep hákim Abaı aıtqandaı, ýnıversıtetimizdiń mısıasy ozyq ádistemeler, ulttyq mura jáne álemdik tásilder negizinde zamanaýı bilim berý qajettilikterin aldyn ala boljaıtyn pedagogterdi daıarlaý bolyp tabylady. Memleket basshysynyń Joldaýyndaǵy «Ustazdar – ulttyń zıatkerlik qýaty. Olar bilimdi urpaq tárbıeleý arqyly elimizdiń órkendeýine jol ashady» - demekshi, mekteptegi bilim berý sapasy – muǵalimderdi daıarlaıtyn pedagogıkalyq joǵary oqý oryndarynyń kóshbasshysy – Abaı ýnıversıtetine de tikeleı qatysty. Bıyl 6000-ǵa jýyq stýdent Abaı ýnıversıtetin tańdady, onyń ishinde 4000-ǵa jýyǵy memlekettik grant ıegeri. Ýnıversıtetimizde pedagogıkalyq mamandyqtarǵa ulttyq biryńǵaı testileýden 80 baldan joǵary jınaǵan talapty, qabiletti talapkerler ǵana qabyldandy. Bul sannan sapaǵa kóshýdiń aıqyn dáleli.
Joldaýdyń besinshi baǵytynda «Inovasıalyq saıasatty elimizdiń ǵylymı-tehnologıalyq basymdyqtarymen úılestirý qajet. Mundaı qadam ár saladaǵy ınovasıaǵa serpin beredi. Sondaı-aq joǵary oqý oryndaryndaǵy qoldanbaly ǵylymnyń áleýetin arttyrady» - delingen. Elimizdiń kadrlyq áleýetin arttyrý isinde joǵary jáne joǵary oqý ornynan keıingi bilim berý júıesi de óte mańyzdy ról atqarýda. Ǵylym – kez kelgen eldiń tiregi, adamzat damýynyń serpini bolyp tabylady. Bilim men ǵylymnyń qara shańyraǵy Abaı ýnıversıtetiniń damý baǵdarlamasyna sáıkes 2029 jylǵa deıin ýnıversıtet pedagogıkalyq Zertteý ýnıversıtetine transformasıalaný josparlanýda. Ýnıversıtettiń joǵary ǵylymı kadrlyq áleýeti osy maqsatqa jetý úshin ǵylymı zertteý jumystaryn qarqyndy júrgizýde. Ýnıversıtette ǵylymı jobalardy qarjylandyrý jyl saıyn artyp keledi. Máselen, 2023 jyly ósim ótken jylmen salystyrǵanda 51% qurady, al 2024 jyly qarjylandyrý 31%-ǵa ósti. Bul rette profesor oqytýshy quramynyń jobalarǵa qatysý úlesi shamamen 47% quraıdy (317 POQ, onyń ishinde 70-ten astamy jas ǵalymdar). 2024 jyly QR ǴJBM qarjylandyratyn jalpy somasy 1,690 mlrd teńgege 72 ǵylymı joba, onyń ishinde 1,3 mlrd teńgege 68 granttyq qarjylandyrý jobasy jáne 478,1 mln teńgege 4 baǵdarlamalyq-nysanaly qarjylandyrý jobasy júzege asyrylýda.
Sonymen qatar, jalpy somasy 350 mln teńgege ǵylymı jáne ǵylymı-tehnıkalyq qyzmet nátıjelerin komersıalandyrý boıynsha 1 joba iske asyrylýda. Jekemenshik kompanıamen ǵylymı-zertteý jáne tájirıbelik-konstrýktorlyq jumystardy júrgizýge kelisim-shart jasaldy. Bul joba – Qazaqstanda ınovasıalyq óndiristi qurý baǵytyndaǵy ǵylym men óndiristiń tabysty ıntegrasıasynyń jarqyn aıǵaǵy.
Jyl saıyn ýnıversıtet jas ǵalymdardy, profesorlyq-oqytýshylar quramyn jáne qyzmetkerlerdi qoldap, olardyń perspektıvalyq ıdeıalaryn damytýǵa óz búdjetinen qarajat bóledi. Jalpy sommasy 145 mln teńgeni quraıtyn 32 joba ýnıversıtettiń óz qarajaty esebinen iske asyrylýyn maqtanyshpen aıta alamyz (ol jas zertteýshilerge arnalǵan jobalar, halyqaralyq jáne respýblıkalyq ǴZI-men ıntegrasıalyq jobalar).
Ǵylymı-zertteý jumystarynyń sapasyn qamtamasyz etýde joǵary tıimdilikti kórsetetin, sondaı-aq ýnıversıtettiń otandyq jáne halyqaralyq ǵylymı-bilim berý keńistigindegi ımıjin arttyrýǵa yqpal etetin postdoktorantýra jáne zertteýshi-professor baǵdarlamasy Abaı ýnıversıtetinde 2019 jyldan bastap iske asyrylýda. Búginde baǵdarlama óz jemisin berýde, postdoktoranttarymyz ben zertteýshi-professor ǵalymdarymyz QR ǴJBM qarjylandyratyn ǵylymı jobalar men halyqaralyq jobalardyń jetekshileri men oryndaýshylary.
Abaı ýnıversıtetiniń ǵalymdary ózderin álemdik deńgeıde de senimdi túrde tanytýda: halyqaralyq deńgeıdegi ǵylymı basylymdardaǵy jarıalanymdarynyń sany men sapasy artyp keledi. Búgingi tańda ýnıversıtet ujymy zamanaýı tehnologıalardy batyl engize otyryp, bilim men ǵylymnyń ózekti máselelerin sheshýge belsene atsalysyp, jańa mindetter qoıyp, ony ýnıversıtet pen el ıgiligi úshin júzege asyrýda.
ǴZJ jáne ǵylymı kadrlardy daıarlaý
basqarmasynyń bastyǵy G.Baımbetova
