Týrizm jáne sport ministrligi respýblikalyq deńgeide 46 basym sport túrin bekitti. Osy tizim negizinde Astana qalasynyń Dene shynyqtyrý jáne sport basqarmasy 29 basym sport túrin anyqtady, dep habarlaidy Dalanews.kz
Bekitilgen tizimge mynalar kirdi:
• Jazǵy sport túrleri – 12;
• Qysqy sport túrleri – 4;
• Ulttyq sport túrleri – 11;
• Aziia jáne Paraaziia oiyndarynyń baǵdarlamasyna engen sport túrleri – 2.
Ýákiletti organ bekitken 29 basym sport túrimen qatar, elordada joǵary jetistikterge baǵyttalǵan basqa sport túrleri de damytyla beredi.
Atalǵan sport túrlerin qarjylandyrý jergilikti biýdjet esebinen basym tártippen júzege asyrylady.
Qarajat tómendegi baǵyttarǵa bólinedi:
• sporttyq rezervti daiyndaýǵa;
• sportshylardyń halyqaralyq jarystarǵa qatysýyna;
• oqý-jattyǵý jiyndary men sporttyq is-sharalardy ótkizýge;
• elordadaǵy sport infraqurylymyn kútip-ustaýǵa jáne damytýǵa baǵyttalady.
Aimaqtyq tizimder sporttyq nátijelerdiń dinamikasyn, halyqaralyq baǵdarlamalardaǵy ózgerister men keshendi jarystar kúntizbesine engiziletin jańa baǵyttardy eskere otyryp, jyl saiyn qaita qaralatyn bolady.
Bul reforma salany basqarý tiimdiligin arttyrýǵa, joǵary jetistikti sportty damytýǵa, kadrlyq jáne materialdyq bazany nyǵaitýǵa jáne sportshylardy daiarlaýdyń zamanaýi júiesin qalyptastyrýǵa baǵyttalǵan.
