Memleket basshysy Qorǵanys ministri Dáýren Qosanovty qabyldady, dep habarlaidy dalanews.kz.
Prezident Qasym-Jomart Toqaev qorǵanys vedomstvosynyń jyl basynan beri atqarǵan qyzmetiniń qorytyndysy, áskeri qyzmetshilerdi áleýmettik qorǵaý jáne áskeri qyzmettiń bedelin arttyrý jumystary jónindegi baiandamany tyńdady.
Memleket basshysyna Qarýly kúshterdiń jaýyngerlik daiarlyǵy, Tsifrlandyrý jáne jasandy intellekt jyly aiasyndaǵy is-sharalar, vedomstvonyń avtomattandyrylǵan basqarý júieleri men tsifrlyq infraqurylymyn damytý týraly málimet berildi.
Prezidentke áskeri basqarý organdary arasyndaǵy bailanysty qamtamasyz etýge jáne áskerlerdiń jaýyngerlik áleýetin kúsheitýge baǵyttalǵan «Batyl toitarys – 2026» strategiialyq komandalyq-shtabtyq oqý-jattyǵýlaryna ázirlik barysy baiandaldy.
Ministr Golan jotalaryndaǵy ekinshi ulttyq kontingent missiiasynyń sátti aiaqtalǵanyn jáne úshinshi kontingenttiń rotatsiiasy bastalǵanyn, sondai-aq qazaqstandyq áskeri qyzmetshilerdiń beibitshilik pen qaýipsizdikke qosqan úlesine halyqaralyq qoǵamdastyq tarapynan joǵary baǵa berilgenin jetkizdi.
Áskerge shaqyrý naýqany, áskeri qyzmetshilerdiń mártebesin kóterý boiynsha qolǵa alynǵan jumystar jóninde esep berildi. Óskeleń urpaqty tárbieleý, atap aitqanda, 21-27 maýsym aralyǵynda Býrabaida «Aibyn – 2026» halyqaralyq áskeri-patriottyq jastar jiynyn ótkizýge daiyndyq máselelerine nazar aýdaryldy.
Qasym-Jomart Toqaev Qorǵanys ministrine Qarýly kúshterdiń jaýyngerlik daiarlyq júiesin jetildirýge, armiiany tsifrlyq turǵydan transformatsiialaýǵa jáne eldiń qorǵanys qabiletin nyǵaitýǵa baǵyttalǵan birqatar mindet júktedi.
