Almatyda turǵyndarǵa úi mańyndaǵy aqyly avtoturaqtardy tegin paidalaný múmkindigi berilýi múmkin, dep habarlaidy dalanews.kz.
Almaty ákimdigi men qalalyq máslihat jol qozǵalysyn uiymdastyrýǵa qatysty jańa erejeler jobasyn ázirledi.
Qujatta kommýnaldyq jáne jekemenshik avtoturaqtardyń jumysy, tólem jasaý tártibi men jeńildikter qarastyrylǵan. Usynylǵan ózgeristerge sáikes turǵyndar óz úiinen 500 metr qashyqtaǵy aqyly turaqtarǵa kólikterin tegin qoia alady.
Sondai-aq, joba aiasynda kólikterdi evakýatsiialaý, arnaiy aiyp turaǵyna ornalastyrý jáne iesine qaitarý tártibi naqtylanǵan. Budan bólek, arnaiy turaq oryndaryna qoiylatyn talaptar men elektrsamokattardy paidalaný erejeleri de qamtylǵan.
Qujat 25 maýsymǵa deiin "Ashyq NQA" portalynda qoǵamdyq talqylaýdan ótedi.
