Áleýmettik jelide Almaty oblysy “Ile Sý” ShJQ MKK basshysy Jandos Jurynov ustaldy degen aqparat tarady, dep habarlaidy dalanews.kz.
Keibir derekkózderdiń málimetinshe, Qazaqstan Respýblikasy Ulttyq qaýipsizdik komitetiniń qyzmetkerleri kásiporyn jetekshisin para aldy degen kúdikpen ustaǵan.
Qazirgi ýaqytta resmi organdar atalǵan aqparatqa qatysty resmi túsinikteme bergen joq.
Eske salaiyq, Dalanews.kz “Ile sý” mekemesindegi máselege alǵashqylardyń biri bolyp nazar aýdarǵan edi. 23 sáýirde redaktsiia áleýmettik jelide taraǵan anonimdi shaǵymǵa qatysty material jariialady. Onda Almaty oblysy Ile aýdany Ótegen batyr kentinde ornalasqan “Ile sý” kommýnaldyq sharýashylyǵy mekemesiniń qyzmetkerleri atynan jalaqynyń ýaqytyly tólenbeýi, eńbekaqy mólsheriniń turaqsyzdyǵy jáne eńbek quqyqtarynyń saqtalmaýy jóninde málimetter keltirilgen edi.
Osy jariialanymnan keiin “Ile sý” mekemesiniń direktory Jandos Jýrynov Dalanews.kz tilshisine pikir bildirip, shaǵymda kórsetilgen aqparattarmen kelispeitinin málimdegen bolatyn. Onyń aitýynsha, prokýratýra tarapynan resmi tekseris bastalyp, mekeme barlyq qajet qujattardy usynǵan. Sondai-aq ol jalaqynyń birneshe aiǵa keshiktirilgeni týraly aqparatty joqqa shyǵaryp, eńbekaqy kei jaǵdaida tek birneshe kúnge ǵana keshigýi múmkin ekenin aitqan edi.
Jýrynov buǵan qosa anonimdi shaǵymdardyń artynda belgili bir múddeli tulǵalar turýy múmkin ekenin alǵa tartyp, naqty qorytyndyny resmi tekseris nátijesi shyqqannan keiin ǵana aitýǵa bolatynyn jetkizgen.
