Jetisý oblysynyń aýmaǵynda 12 maýsym kúni «Naiza-Antiterror-2026» respýblikalyq terrorizmge qarsy oqý-jattyǵýy uiymdastyrylýda. Is-shara quqyq qorǵaý jáne arnaiy organdardyń terroristik sipattaǵy qaýip-qaterlerge áreket etý daiyndyǵyn pysyqtaýǵa baǵyttalǵan, dep habarlaidy dalanews.kz.
Oqý-jattyǵý barysynda terrorizm aktileriniń aldyn alý, olardyń jolyn kesý jáne terroristik turǵydan osal nysandardaǵy qaýipsizdikti qamtamasyz etý boiynsha memlekettik organdardyń ózara is-qimyl algoritmderi tekseriledi.
Jattyǵýdyń negizgi maqsaty – kúshtik qurylymdardyń jedel áreket etý qabiletin arttyrý, sondai-aq terrorizmge qarsy kúres salasyndaǵy úilestirý jumystaryn jetildirý.
Osyǵan bailanysty Jetisý oblysynyń jedel shtaby turǵyndar men óńir qonaqtaryn ótkiziletin is-sharalarǵa túsinistikpen qaraýǵa shaqyrady. Sonymen qatar qaýipsizdik talaptaryn saqtap, kólik quraldary men jaiaý júrginshiler qozǵalysyna engizilýi múmkin ýaqytsha shekteýlerdi eskerýdi suraidy.
Mamandar oqý-jattyǵý aiasynda qoldanylatyn arnaiy tehnika men kúshtik qurylymdardyń is-qimyldary josparly sipatta ekenin atap ótti. Sondyqtan azamattardy tek resmi aqparat kózderine súienýge jáne jalǵan aqparat taratpaýǵa shaqyrady.
