جەتٸسۋ وبلىسىنىڭ اۋماعىندا 12 ماۋسىم كٷنٸ «نايزا-انتيتەررور-2026» رەسپۋبليكالىق تەرروريزمگە قارسى وقۋ-جاتتىعۋى ۇيىمداستىرىلۋدا. ٸس-شارا قۇقىق قورعاۋ جەنە ارنايى ورگانداردىڭ تەرروريستٸك سيپاتتاعى قاۋٸپ-قاتەرلەرگە ەرەكەت ەتۋ دايىندىعىن پىسىقتاۋعا باعىتتالعان, دەپ حابارلايدى dalanews.kz.
وقۋ-جاتتىعۋ بارىسىندا تەرروريزم اكتٸلەرٸنٸڭ الدىن الۋ, ولاردىڭ جولىن كەسۋ جەنە تەرروريستٸك تۇرعىدان وسال نىساندارداعى قاۋٸپسٸزدٸكتٸ قامتاماسىز ەتۋ بويىنشا مەملەكەتتٸك ورگانداردىڭ ٶزارا ٸس-قيمىل الگوريتمدەرٸ تەكسەرٸلەدٸ.
جاتتىعۋدىڭ نەگٸزگٸ ماقساتى – كٷشتٸك قۇرىلىمداردىڭ جەدەل ەرەكەت ەتۋ قابٸلەتٸن ارتتىرۋ, سونداي-اق تەرروريزمگە قارسى كٷرەس سالاسىنداعى ٷيلەستٸرۋ جۇمىستارىن جەتٸلدٸرۋ.
وسىعان بايلانىستى جەتٸسۋ وبلىسىنىڭ جەدەل شتابى تۇرعىندار مەن ٶڭٸر قوناقتارىن ٶتكٸزٸلەتٸن ٸس-شارالارعا تٷسٸنٸستٸكپەن قاراۋعا شاقىرادى. سونىمەن قاتار قاۋٸپسٸزدٸك تالاپتارىن ساقتاپ, كٶلٸك قۇرالدارى مەن جاياۋ جٷرگٸنشٸلەر قوزعالىسىنا ەنگٸزٸلۋٸ مٷمكٸن ۋاقىتشا شەكتەۋلەردٸ ەسكەرۋدٸ سۇرايدى.
ماماندار وقۋ-جاتتىعۋ اياسىندا قولدانىلاتىن ارنايى تەحنيكا مەن كٷشتٸك قۇرىلىمداردىڭ ٸس-قيمىلدارى جوسپارلى سيپاتتا ەكەنٸن اتاپ ٶتتٸ. سوندىقتان ازاماتتاردى تەك رەسمي اقپارات كٶزدەرٸنە سٷيەنۋگە جەنە جالعان اقپارات تاراتپاۋعا شاقىرادى.
