Oljas Baidildinov Energetika ministrligi janyndaǵy qoǵamdyq keńeske múshe emes. Bul týraly ministrlik málimdedi, dep habarlaidy Dalanews.kz.
Vedomstvo málimetinshe, keibir BAQ-ta Oljas Baidildinov "QR Energetika ministrligi janyndaǵy Qoǵamdyq keńestiń múshesi" retinde kórsetilgen materialdar jariialanǵanyna jáne onyń qoǵamdyq kóliktegi jolaqy jónindegi pikirine qatysty ministrlikke saýaldar túsken.
"Oljas Baidildinov QR Energetika ministrligi janyndaǵy Qoǵamdyq keńestiń múshesi emes. Onyń qoǵamdyq kólik qyzmetteri tarifterin belgileý máseleleri boiynsha aitqan pikiri - jeke kózqarasy jáne Qazaqstan Respýblikasynyń memlekettik organdarynyń resmi ustanymyn bildirmeidi. Qoǵamdyq kólik qyzmetteri tarifterin belgileý jergilikti atqarýshy organdardyń (ákimdikterdiń) quzyretine jatady. Bul másele Energetika ministrliginiń qyzmet salasyna kirmeidi jáne onyń kún tártibinde joq", - dep jazylǵan habarlamada.
Eske salaiyq, buǵan deiin sarapshy Almaty men Astanada jolaqysy 500 teńge bolýy kerek ekenin aitqan.
