ولجاس بايديلدينوۆ ەنەرگەتيكا مينيسترلىگى جانىنداعى قوعامدىق كەڭەسكە مۇشە ەمەس. بۇل تۋرالى مينيسترلىك مالىمدەدى، دەپ حابارلايدى Dalanews.kz.
ۆەدومستۆو مالىمەتىنشە، كەيبىر باق-تا ولجاس بايديلدينوۆ "ق ر ەنەرگەتيكا مينيسترلىگى جانىنداعى قوعامدىق كەڭەستىڭ مۇشەسى" رەتىندە كورسەتىلگەن ماتەريالدار جاريالانعانىنا جانە ونىڭ قوعامدىق كولىكتەگى جولاقى جونىندەگى پىكىرىنە قاتىستى مينيسترلىككە ساۋالدار تۇسكەن.
"ولجاس بايديلدينوۆ ق ر ەنەرگەتيكا مينيسترلىگى جانىنداعى قوعامدىق كەڭەستىڭ مۇشەسى ەمەس. ونىڭ قوعامدىق كولىك قىزمەتتەرى تاريفتەرىن بەلگىلەۋ ماسەلەلەرى بويىنشا ايتقان پىكىرى - جەكە كوزقاراسى جانە قازاقستان رەسپۋبليكاسىنىڭ مەملەكەتتىك ورگاندارىنىڭ رەسمي ۇستانىمىن بىلدىرمەيدى. قوعامدىق كولىك قىزمەتتەرى تاريفتەرىن بەلگىلەۋ جەرگىلىكتى اتقارۋشى ورگانداردىڭ (اكىمدىكتەردىڭ) قۇزىرەتىنە جاتادى. بۇل ماسەلە ەنەرگەتيكا مينيسترلىگىنىڭ قىزمەت سالاسىنا كىرمەيدى جانە ونىڭ كۇن تارتىبىندە جوق"، - دەپ جازىلعان حابارلامادا.
ەسكە سالايىق، بۇعان دەيىن ساراپشى الماتى مەن استانادا جولاقىسى 500 تەڭگە بولۋى كەرەك ەكەنىن ايتقان.
