Tasjoldaǵy tragedıadan 5 jylda 12 267 adam kóz jumǵan. Bul týraly Úkimet saǵatynda Májilis depýtaty Nartaı Sársenǵalıev málimdedi, dep habarlaıdy Dalanews.kz.
Depýtattyń aıtýynsha, bıyl qańtar-tamyzda elimizde 22 501 jol apaty tirkeldi.
"32 375 adam zardap shekti, 1446 adam kóz jumdy. 2024 jylǵy 8 aıda 15 862 jol apaty bolǵan edi, arada bir jyl ótti, jol apaty 7 myńǵa kóbeıdi", - dedi ol.
Nartaı Aralbaıuly keıingi bes jyldaǵy málimetterdi keltirdi, 5 jylda jol apatynan 12 267 adam kóz jumǵan.
"Jiktesem, 8218-i - er adam, 2975-i áıel, 1074-i - bala. Bul derekti álem elderimen salystyrsaq, Qazaqstandaǵy tasjoldar beıbit kúnde beıitten habar ákeletin qorqynyshty quralǵa aınalyp ketpedi me dep qaýiptenesiń. Máselen Dúnıejúzilik densaýlyq saqtaý uıymy jol apatynan kóz jumǵandardyń sany boıynsha Qazaqstan 192 eldiń ishinde 107-orynda tur deıdi", - dedi ol.
