2025 jyly toǵyz aidyń ishinde Almatyda tozyǵy jetken úilerdiń 390 iesi jańa, jaily jaǵdai jasalǵan páterge kóshti. Kóshirý jumystaryn «Almaty qalasy ákimdiginiń Kapitaldyq qurylys kásiporny» jáne «Almaty» ÁKK kompaniiasy men investor «Almaty qalasynyń turǵyn úidi jańartý baǵdarlamasy – 2030» aiasynda júzege asyryp otyr, dep habarlaidy Dalanews.kz
Páter ieleri jańa turǵyn úidi «bólme-bólmege» qaǵidaty boiynsha nemese burynǵy múlkiniń naryq baǵasyna sai aqshalai ótem túrinde aldy. Baǵdarlama aiasyndaǵy barlyq páter taza árleýmen tapsyrylýda. Onda internet jelisi tartylǵan, órt dabyly, sanitarlyq jabdyqtar, faians buiymdary, sondai-aq gaz nemese elektr plitalary ornatylǵan.
9 ai ishinde eń kóp turǵyn Túrksib aýdanynda – 127 adam, Jetisý aýdanynda – 107, Almalyda – 58, Alataýda – 42, Áýezovte – 26, Medeýde – 18, Bostandyq aýdanynda – 12 adam jańa baspanaǵa kóshti.
Baǵdarlama aiasynda jyl basynan beri Almatyda 12 eski úi buzyldy, jyl sońyna deiin taǵy alty nysandy súrý josparlanǵan. Qonystandyrý men súrý jumysy tek menshik ieleriniń kelisimimen júrgiziledi.
Arnaiy qajettiligi bar turǵyndar úshin birinshi qabattan nemese jedelsaty, pandýsy men kedergisiz kirý júiesi bar úilerden páterler qarastyrylǵan. Qala qaýipsizdigin qamtamasyz etý maqsatynda karkas-qamysty qurylystar men seismikalyq belsendi aimaqtardaǵy ǵimarattardy buzýǵa erekshe nazar aýdarylyp otyr.
Usynylǵan nusqalardan bas tartqan menshik ieleri óz úilerinde tura berý quqyǵyn saqtaidy, alaida mundai jaǵdaida ómir súrý táýekeli úshin jaýapkershilikti ózderi kóteredi.
Jyl sońyna deiin Kapitaldyq qurylys kásiporny men investorlar qonys aýdarǵan turǵyndar sanyn 667 adamǵa deiin jetkizýdi josparlap otyr.
«Jańartý baǵdarlamasy arqyly turǵyndardyń ómir sapasynyń jańa deńgeii qalyptasýda: jaily jaǵdai, zamanaýi qalalyq orta, qoǵamdyq keńistik pen jańa qyzmet túrleri paida bolyp otyr. Osy arqyly megapolistiń sáýlettik kelbeti jańaryp, turǵyndar qaýipsiz ári jaily páterlerge qol jetkizip keledi. 2030 jylǵa deiin tozyǵy jetken úilerdiń sanyn 1366-dan 690-ǵa deiin azaityp, shamamen 7 500 menshik iesin kóshirý josparlanyp otyr», — dedi «Kapitaldyq qurylys kásipornynyń» basqarma tóraǵasy Rinat Qurmanov.
Eske salaiyq, «Almaty qalasynyń turǵyn úidi jańartý baǵdarlamasy – 2030» jobasyn qala ákimdigi ázirlep, 2024 jyldyń qarashasynda máslihat bekitken. Baǵdarlamanyń ákimshisi – «Almaty» ÁKK» AQ, al ýákiletti uiym – «Almaty qalasy ákimdiginiń Kapitaldyq qurylys kásiporny» JShS.
