Aqmola oblysynda jolaýshylar avtobýsynyń qatysýymen bolǵan jol-kólik oqiǵasy saldarynan 11 adam jaraqat aldy, dep habarlaidy dalanews.kz.
Oblystyq politsiia departamentiniń málimetinshe, jol apaty 14 maýsym kúni saǵat 13:10 shamasynda Shýchinsk – Býrabai avtojolynda bolǵan.
Aldyn ala málimet boiynsha, Astanadan Býrabai kýrorttyq aimaǵyna demalýshylardy tasymaldap kele jatqan Volvo markaly avtobýs qarsy qozǵalys jolaǵyna shyǵyp ketken. Saldarynan Changan avtokóligimen soqtyǵysyp, keiin jol jiegindegi aǵashqa baryp soǵylǵan.
Jol apatynyń nátijesinde 11 adam túrli jaraqat alǵan. Onyń ishinde toǵyz adam avtobýs jolaýshysy bolsa, taǵy eki adam Changan kóliginde bolǵan.
Qazirgi ýaqytta oqiǵanyń mán-jaiyn anyqtaý úshin tekserý jumystary júrgizilýde.
Politsiia málimetinshe, jyl basynan beri jol qozǵalysy erejelerin buzǵany úshin 300-den astam avtobýs júrgizýshisi ákimshilik jaýapkershilikke tartylǵan.
Quqyq qorǵaý organdary qoǵamdyq kólik júrgizýshilerin jolda barynsha muqiiat bolyp, jol qozǵalysy erejelerin qatań saqtaýǵa shaqyrdy.
