اقمولا وبلىسىندا جولاۋشىلار اۆتوبۋسىنىڭ قاتىسۋىمەن بولعان جول-كٶلٸك وقيعاسى سالدارىنان 11 ادام جاراقات الدى, دەپ حابارلايدى dalanews.kz.
وبلىستىق پوليتسييا دەپارتامەنتٸنٸڭ مەلٸمەتٸنشە, جول اپاتى 14 ماۋسىم كٷنٸ ساعات 13:10 شاماسىندا ششۋچينسك – بۋراباي اۆتوجولىندا بولعان.
الدىن الا مەلٸمەت بويىنشا, استانادان بۋراباي كۋرورتتىق ايماعىنا دەمالۋشىلاردى تاسىمالداپ كەلە جاتقان Volvo ماركالى اۆتوبۋس قارسى قوزعالىس جولاعىنا شىعىپ كەتكەن. سالدارىنان Changan اۆتوكٶلٸگٸمەن سوقتىعىسىپ, كەيٸن جول جيەگٸندەگٸ اعاشقا بارىپ سوعىلعان.
جول اپاتىنىڭ نەتيجەسٸندە 11 ادام تٷرلٸ جاراقات العان. ونىڭ ٸشٸندە توعىز ادام اۆتوبۋس جولاۋشىسى بولسا, تاعى ەكٸ ادام Changan كٶلٸگٸندە بولعان.
قازٸرگٸ ۋاقىتتا وقيعانىڭ مەن-جايىن انىقتاۋ ٷشٸن تەكسەرۋ جۇمىستارى جٷرگٸزٸلۋدە.
پوليتسييا مەلٸمەتٸنشە, جىل باسىنان بەرٸ جول قوزعالىسى ەرەجەلەرٸن بۇزعانى ٷشٸن 300-دەن استام اۆتوبۋس جٷرگٸزۋشٸسٸ ەكٸمشٸلٸك جاۋاپكەرشٸلٸككە تارتىلعان.
قۇقىق قورعاۋ ورگاندارى قوعامدىق كٶلٸك جٷرگٸزۋشٸلەرٸن جولدا بارىنشا مۇقييات بولىپ, جول قوزعالىسى ەرەجەلەرٸن قاتاڭ ساقتاۋعا شاقىردى.
