«Nurly jol – Oral» baǵytyndaǵy №57 jolaýshylar poiyzynda jolaýshynyń jaǵdaiy kúrt nasharlap, keiin qaitys boldy, dep habarlaidy dalanews.kz.
Oqiǵa 14 maýsym kúni keshke poiyz Kýrort-Býrabai stantsiiasyna jaqyndaǵan kezde bolǵan. №19 vagonda kele jatqan jolaýshy Q.P. Taýbaevtyń densaýlyǵy syr bergenin baiqaǵan jolserik bul týraly birden poiyz bastyǵyna habarlaǵan.
Poiyz bastyǵy lokomotiv mashinisi arqyly jedel meditsinalyq kómek shaqyrǵan. Marqumnyń jubaiynyń aitýynsha, ol júregine jasalǵan operatsiiadan keiin emhanadan úiine qaityp bara jatqan.
Jedel járdem brigadasy Kýrort-Býrabai stantsiiasynda poiyzǵa kóterilip, jolaýshyny teksergen. Dárigerler qan qysymyn ólshep, kóktamyr arqyly dári engizgen. Alaida kóp uzamai er adam esinen tanyp qalǵan.
Saǵat 00:30 shamasynda jedel járdem qyzmetkerleri jolaýshynyń qaitys bolǵanyn tirkedi.
Marqumnyń denesi sot-meditsinalyq saraptama júrgizý úshin Kókshetaý stantsiiasynda túsirilgen.
Oqiǵaǵa bailanysty tiisti akt jasalyp, oǵan poiyz bastyǵy, lokomotiv mashinisi, vokzal kezekshisi, jelilik politsiia bóliminiń qyzmetkeri jáne feldsherler qol qoiǵan.
Jedel meditsinalyq jáne tergeý sharalaryn júrgizýge bailanysty poiyz qozǵalysy 43 minýtqa keshikken.
