Memleket basshysy Qasym-Jomart Toqaev qazaqstandyq boks ańyzy Gennadii Golovkindi Halyqaralyq boks dańqy zalyna resmi túrde qabyldanýymen quttyqtady, dep habarlaidy dalanews.kz.
Prezidenttiń aitýynsha, bul tarihi oqiǵa Gennadii Golovkinniń álemdik sport tarihyndaǵy orny erekshe ekenin taǵy bir márte dáleldeidi.
«Bul tarihi ýaqiǵa aty ańyzǵa ainalǵan otandasymyzdyń jahandyq sporttaǵy qoltańbasy airyqsha mańyzǵa ie ekenin aiǵaqtaidy. Sondai-aq Qazaqstannyń álemdik arenadaǵy shynaiy kelbeti men bedelin qalyptastyrýǵa qosqan eleýli úlesin kórsetedi», – delingen quttyqtaýda.
Memleket basshysy Gennadii Golovkindi Qazaqstannyń maqtanyshy ári halyqaralyq sport qaýymdastyǵyndaǵy elshisi dep atady.
Sonymen qatar Qasym-Jomart Toqaev álemniń úzdik boksshylarynyń biri atanǵan sportshynyń jetistigi jas býynǵa úlgi bolatynyn atap ótti.
Prezidenttiń pikirinshe, Golovkinniń jeńisti jolynan shabyt alǵan qazaqstandyq jas sportshylar aldaǵy ýaqytta da jańa belesterdi baǵyndyra beredi.
