Memleket basshysynyń Jarlyǵymen Erbol Qýantaiuly Myrzabosynov Qazaqstan Respýblikasynyń Týrizm jáne sport ministri laýazymyna taǵaiyndaldy, dep habarlaidy Dalanews.kz.
Eske sala keteiik, biylǵy aqpannan beri osy qyzmetti atqaryp kelgen Ermek Marjyqpaev 31 tamyz kúni jumystan bosatylǵan edi.
Erbol Myrzabosynov 1984 jyly Shyǵys Qazaqstan oblysynda dúniege kelgen.
Semei memlekettik pedagogikalyq institýtyn, Qazaq gýmanitarlyq-zań innovatsiialyq ýniversitetin, Qazaq sport jáne týrizm akademiiasyn bitirgen.
Eńbek jolyn 2005 jyly Semei memlekettik pedagogika institýty dene shynyqtyrý jáne sport teoriiasy men ádistemesi kafedrasynyń assistenti, jattyqtyrýshy-oqytýshysy bolyp bastady.
2009-2014 jyldary — Semei qalasynyń memlekettik pedagogikalyq institýtynyń dene tárbiesi kafedrasynyń oqytýshysy, keiin meńgerýshisi.
2006-2018 jyldary — Shyǵys Qazaqstan oblystyq buqaralyq sporttaǵy joǵary sport sheberligi mektebi jattyqtyrýshy-oqytýshysy.
2018-2020 jyldary "Qyzyljar arlandary" sport klýbynyń direktory bolyp jumys istedi.
2020-2021 jyldary — "Qazaq kuresi" qaýymdastyǵynyń basqarýshy direktory.
2021-2023 jyldary Dene shynyqtyrý jáne buqaralyq sport akademiiasynyń rektory boldy.
2023 jyly aqpanda Mádeniet jáne sport ministrliginiń sport jáne dene shynyqtyrý isteri komitetiniń tóraǵasy bolyp taǵaiyndaldy.
