Qazaqstan Respýblikasy Ishki ister ministrligi avtokólik júrgizýshilerin daiyndaityn oqý oryndaryn ashýǵa ruqsat berý tártibine bailanysty ózgerister ázirleýde. Bul týraly atalǵan vedomstvonyń basshysy Erjan Sadenov málimdedi, dep habarlaidy Dalanews.kz.
IIM derekteri boiynsha, jyl basynan beri 22 myń qazaqstandyq júrgizýshi kýáliginen aiyrylǵan. 19 myń adamǵa ákimshilik qamaýǵa alý sharasy qoldanylǵan.
Ministr Erjan Sadenov jol- kólik oqiǵalarynyń basty sebepteriniń biri retinde kólik júrgizý tártibiniń tómendigin jáne júrgizýshilerdiń daiyndyǵynyń nasharlyǵyn atady.
Ol sondai-aq 2018 jyldan bastap Qazaqstanda avto- mektepterge memlekettik baqylaý alynyp tastalǵanyn eske saldy.
- Barlyǵyn retke keltirip jatyrmyz. Ótken jyly óz betinshe daiyndyq jasaý tártibi alynyp tastaldy. Barlyq avto- mektepter esepke alyndy. Kýrstan ótkeni týraly kýálikter men meditsinalyq anyqtamalar elektrondyq formatqa aýystyryldy. Endi avto- mektep ashýǵa ruqsat berý tártibine ózgerister engizip jatyrmyz ,- dedi ministr.
