Qazaqstanda 2026 jyldan bastap júrgizýshi kýáligi ózgeredi, dep habarlaıdy Dalanews.kz. 

Ákimshilik polısıa komıteti tóraǵasynyń orynbasary Álibek Keńesbaev İİM dálizinde júrgizýshi kýálikterin berý júıesinde josparlanyp otyrǵan ózgerister týraly aıtty.

Onyń sózinshe, júrgizýshi kýáliginiń syrtqy beınesi ózgermeıdi.

"Ulttyq júrgizýshi kýálikteri Jol qozǵalysy týraly konvensıa talaptaryna tolyq sáıkes keledi. Qazir tek kýáliktegi chıpti alyp tastaý máselesi qaralyp jatyr. Bul ázirge joba deńgeıinde, biraq ony 2026 jyldyń birinshi nemese ekinshi toqsanynda júzege asyrý josparlanyp otyr", – dedi ol.

İİM ókiliniń aıtýynsha, buryn berilgen kýálikter óz merzimi aıaqtalǵanǵa deıin jaramdy bolyp qala beredi.