قازاقستاندا 2026 جىلدان باستاپ جۇرگىزۋشى كۋالىگى وزگەرەدى، دەپ حابارلايدى Dalanews.kz.
اكىمشىلىك پوليسيا كوميتەتى ءتوراعاسىنىڭ ورىنباسارى الىبەك كەڭەسبايەۆ ءىىم دالىزىندە جۇرگىزۋشى كۋالىكتەرىن بەرۋ جۇيەسىندە جوسپارلانىپ وتىرعان وزگەرىستەر تۋرالى ايتتى.
ونىڭ سوزىنشە، جۇرگىزۋشى كۋالىگىنىڭ سىرتقى بەينەسى وزگەرمەيدى.
"ۇلتتىق جۇرگىزۋشى كۋالىكتەرى جول قوزعالىسى تۋرالى كونۆەنسيا تالاپتارىنا تولىق سايكەس كەلەدى. ءقازىر تەك كۋالىكتەگى ءچيپتى الىپ تاستاۋ ماسەلەسى قارالىپ جاتىر. بۇل ازىرگە جوبا دەڭگەيىندە، ءبىراق ونى 2026 جىلدىڭ ءبىرىنشى نەمەسە ەكىنشى توقسانىندا جۇزەگە اسىرۋ جوسپارلانىپ وتىر"، – دەدى ول.
ءىىم وكىلىنىڭ ايتۋىنشا، بۇرىن بەرىلگەن كۋالىكتەر ءوز مەرزىمى اياقتالعانعا دەيىن جارامدى بولىپ قالا بەرەدى.
