Jekemenshik klýbtar men akademiialardyń 10 jastaǵy fýtbolshylary arasyndaǵy Qazaqstan chempionatynda Almatynyń jasóspirimderi top jardy, dep habarlaidy dalanews.kz.
Shymkentte ótken týrnirde megapolistiń namysyn «Tarlan» klýbynyń jas fýtbolshylary qorǵady, dep jazady Dalanews.kz
«Tarlan» klýby týraly buǵan deiin de birneshe ret aitylǵan. Kásipker, metsenat Qairat Reimov Almatynyń eń talantty balalaryn iriktep alǵan, al jattyǵýlar tolyǵymen tegin. Fýtbolshylardyń kiim-keshegi, qural-jabdyqtary men týrnirlerge qatysý shyǵyndaryn demeýshi óz moinyna alǵan.
Klýbtyń basty maqsaty – bolashaq kásibi fýtbolshylardy Qazaqstan klýbtary men ulttyq quramaǵa daiyndaý. Osy maqsatta «Tarlan» dál qazir óz akademiiasyn, internatyn jáne jeke jalpy bilim beretin mektebin salyp jatyr. Bul balalardyń bir jerde ári bilim alyp, ári sportpen ainalysýyna múmkindik beredi.
Klýb biyl ǵana qurylǵanyna qaramastan, jetistikterge jetip úlgerdi. Jazda jigitter Qyrǵyzstandaǵy halyqaralyq týrnirde jeńiske jetse, kúzgi demalys kezinde birden eki júldeni qanjyǵaǵa bailady. 2016 jyly týǵan negizgi quram Shymkentte chempion atansa, ekinshi komanda Almatyda ótken Footlub Cup týrnirinde birinshi oryn aldy.
