Almatyda "Ádilet" partiiasynan qalalyq máslihat depýtattyǵyna kandidattar "Jedel meditsinalyq járdem qyzmeti" ujymymen kezdesti, dep habarlaidy dalanews.kz.
Jiynǵa "Ádilet" partiiasy Almaty qalalyq filialynyń tóraǵasy Stanislav Kankýrov, qalalyq máslihat depýtattyǵyna kandidat ári Qalalyq kardiologiialyq ortalyqtyń direktory Ermaǵambet Qýatbaev, partiianyń Almaly aýdandyq filialy atqarýshy hatshysynyń mindetin atqarýshy Áli Násipqaliev, partiia ókilderi men meditsina qyzmetkerleri qatysty.
Meditsina salasyndaǵy ózekti máseleler talqylandy
Kezdesýde partiianyń sailaýaldy baǵdarlamasyndaǵy densaýlyq saqtaý salasyna qatysty usynystar tanystyryldy. Qatysýshylar meditsinalyq kómektiń sapasy men qoljetimdiligin arttyrý, aýrýhanalar men ózge de meditsinalyq nysandardy jańartý, zamanaýi tehnologiialardy engizý jáne meditsina mamandarynyń eńbek jaǵdaiyn jaqsartý máselelerin talqylady.
Almaty qalasynyń Jedel meditsinalyq járdem qyzmeti turǵyndarǵa táýlik boiy shuǵyl kómek kórsetedi. Qazirgi ýaqytta mekemede 4 500-ge jýyq qyzmetker eńbek etedi. Olar kún saiyn kelip túsken shaqyrtýlarǵa baryp, naýqastarǵa qajetti meditsinalyq kómektiń ýaqytyly kórsetilýin qamtamasyz etedi.
Mamandardyń usynysyn tikelei tyńdaý mańyzdy
"Ádilet" partiiasy Almaty qalalyq filialynyń tóraǵasy Stanislav Kankýrov densaýlyq saqtaý júiesin damytý partiianyń sailaýaldy baǵdarlamasyndaǵy negizgi baǵyttardyń biri ekenin aitty.
"Densaýlyq saqtaý júiesin damytý - bizdiń sailaýaldy baǵdarlamamyzdyń mańyzdy baǵyttarynyń biri. Meditsinalyq kómektiń sapasy men qoljetimdiligin arttyrýǵa, infraqurylymdy jańǵyrtýǵa jáne meditsina qyzmetkerlerine laiyqty eńbek jaǵdailaryn jasaýǵa erekshe kóńil bólý qajet. Mundai kezdesýler sala mamandarynyń usynystaryn tikelei tyńdap, densaýlyq saqtaý júiesin jetildirýdiń naqty joldaryn talqylaýǵa múmkindik beredi", -dedi "Ádilet" partiiasy Almaty qalalyq filialynyń tóraǵasy Stanislav Kankýrov.
Jedel járdem qyzmetin jetildirý usynyldy
Ashyq pikir almasý barysynda jedel járdem qyzmetiniń jumysyn jetildirýge erekshe nazar aýdaryldy. Taraptar shuǵyl meditsinalyq kómektiń tiimdiligin arttyrý jáne salaǵa zamanaýi meditsinalyq tehnologiialardy engizý jóninde pikir almasty.
Almaty qalasy máslihaty depýtattyǵyna kandidat ári Qalalyq kardiologiialyq ortalyqtyń direktory Ermaǵambet Qýatbaev densaýlyq saqtaý salasyndaǵy máselelerdi meditsina qyzmetkerlerimen birge talqylaýdyń mańyzyn atap ótti.
"Búginde densaýlyq saqtaý salasynyń aldynda meditsinalyq qyzmetterdiń sapasyn arttyrý, infraqurylymdy damytý jáne zamanaýi tehnologiialardy engizý boiynsha mańyzdy mindetter tur. Bul rette meditsina qyzmetkerlerin qoldaý jáne olardyń kásibi qyzmetine qajetti jaǵdai jasaý airyqsha mánge ie. Ashyq dialog ózekti máselelerdi talqylap, salany odan ári damytýǵa baǵyttalǵan naqty usynystar ázirleýge múmkindik beredi", - dep atap ótti Almaty qalasy máslihaty depýtattyǵyna kandidat, Qalalyq kardiologiialyq ortalyqtyń direktory Ermaǵambet Qýatbaev.
Bas dáriger partiiaǵa qoldaý bildirdi
Kezdesý sońynda "Jedel meditsinalyq járdem qyzmetiniń" bas dárigeri Arman Toibekov "Ádilet" partiiasynyń kandidattaryna úgit-nasihat kezdesýin uiymdastyryp, densaýlyq saqtaý salasynyń ózekti máselelerin ashyq talqylaýǵa múmkindik jasaǵany úshin alǵys bildirdi. Sondai-aq ol partiiaǵa qoldaý bildirip, meditsina salasyn damytý máselelerine erekshe kóńil bólýdiń mańyzdylyǵyn atap ótti.
Tapsyrys berýshi: Kankýrov S.V.
Almaty qalasy máslihaty depýtattarynyń sailaýynda partiialyq tizimdi usynǵan "Ádilet" partiiasy" QB sailaý qorynyń qarajatynan tólendi
