Almatydaǵy Dostyk Plaza saýda-oiyn-saýyq ortalyǵynyń kelýshileri 2 qarashada ǵimaratqa jarylǵysh zat qoiylǵany týraly habar túskennen keiin evakýatsiialandy. Oqiǵa ornyna jedel qyzmetter jetip, ǵimaratty tekserdi, dep habarlaidy dalanews.kz.
Qalalyq politsiia departamentiniń málimetinshe, saýda ortalyǵyna jarylys qaýpi týraly habarlama túsken. Tekserý nátijesinde ǵimarattan jarylǵysh zat tabylmaǵan.
«Tekserý qorytyndysy boiynsha jarylǵysh qurylǵynyń bar ekeni týraly aqparat rastalmady. Dabyl toqtatyldy», – dep habarlady politsiia.
Oqiǵa kezinde saýda ortalyǵyna kelýshilerdi kirgizý ýaqytsha toqtatylǵan. Áleýmettik jelilerde turǵyndar ǵimarattyń shyǵý esikteri jabylyp, adamdardyń ishke kire almai turǵanyn jazǵan.
Dostyk Plaza ákimshiligi qaýipsizdikti qamtamasyz etýge baǵyttalǵan barlyq shara aiaqtalǵanyn habarlady. Qazirgi ýaqytta saýda ortalyǵy kelýshiler úshin ashyq jáne qalypty rejimde jumys istep tur.
