2025 jylǵy 12 qazanda Semei qalasynda Qazaqstan tarihynda alǵash ret qala ákiminiń tikelei sailaýy ótti. Tańǵy 07:00-de barlyq sailaý ýchaskeleri óz esikterin ashyp, sailaýshylardy qabyldady, dep habarlaidy Dalanews.kz
Qala boiynsha barlyǵy 129 sailaý komissiiasy uiymdastyryldy, onyń ishinde 1 aýmaqtyq jáne 128 ýchaskelik komissiia jumys istedi.
Daýys berý protsesi tynysh ári uiymdasqan túrde, eshqandai zańbuzýshylyqtar men tótenshe jaǵdailarsyz ótti.
Barlyq sailaýshylar úshin yńǵaily jaǵdai jasaýǵa erekshe nazar aýdaryldy. Múgedektigi bar azamattar úshin pandýstar, taktildi baǵyttaýshylar, sondai-aq eriktilerdiń kómegi uiymdastyryldy. Jastardyń belsendiligi de erekshe baiqaldy. Olardyń kópshiligi alǵash ret daýys berip, óz qalasynyń bolashaǵyn aiqyndaýǵa qatysýdyń mańyzyn atap ótti.
Sailaý barysyn saiasi partiialar, qoǵamdyq birlestikter men táýelsiz baqylaýshylar qadaǵalady. Olardyń aitýynsha, daýys berý qoldanystaǵy zańnama talaptaryna tolyq sáikes ótti, al ashyqtyq pen jariialylyq joǵary deńgeide qamtamasyz etildi.
Semeilikter óz ustanymdaryn bildirip, ózgeris pen damýǵa degen ortaq nietin kórsetti.
