Almatyda dárigerler toǵyzynshy qabattan qulap, aýyr jaraqat alǵan 17 jastaǵy qyzdyń ómirin saqtap qaldy. Naýqastyń ómiri úshin mamandar eki aiǵa jýyq kúresken, dep habarlaidy dalanews.kz.
Almaty qalalyq Qoǵamdyq densaýlyq saqtaý basqarmasy málimetinshe, qyz aýrýhanaǵa óte aýyr jaǵdaida jetkizilgen.
Mamandardyń aitýynsha, ómirge eń úlken qaýip diafragma jyrtylýynan týyndaǵan. Sonyń saldarynan asqazan, kókbaýyr jáne ishektiń bir bóligi keýde qýysyna yǵysqan. Bul shuǵyl ota jasaýdy qajet etken.
Hirýrgtar dereý kúrdeli ota jasap, aǵzalardy qaitadan qursaq qýysyna ornalastyrǵan. Sondai-aq, diafragmadaǵy jyrtylǵan jerdi tigip, kókbaýyrdy alyp tastap, plevra qýysyna drenaj ornatqan.
Naýqastyń jaǵdaiy turaqtanǵan soń dárigerler synǵan súiekterdi qalpyna keltirýge kirisken.
Ortalyq qalalyq klinikalyq aýrýhananyń travmatology Dáýlet Shúkmanovtyń aitýynsha, qyzǵa jalpy tórt ota jasalǵan. Onyń úsheýi travmatologiialyq baǵytta ótken.
Otalardan keiin qyz 12 táýlik jansaqtaý bóliminde jatqan. Aýrýhanada em alý merzimi 58 kúnge sozylǵan. Qazir qyz aýrýhanadan shyǵarylyp, ońaltý kýrsynan ótip jatyr.
